Þak verði sett á fjölda innflytjenda.

Sá mikli fjöldi útlendinga,sem sækist nú í auknum mæli  eftir varanlegri  búsetu og atvinnu hér á landi verður með einhverjum hætti að takmarka.Þá þarf líka að hafa einhverja raunhæfa stýringu á í hvaða atvinnugreinar okkur skortir helst vinnuafl í.

Eins og öllum er kunnugt hafa stjórnvöld ekki náð tökum á þessum málum,bæði er tekur til atvinnu skráningar,skattaeftirlits,búsetu o.fl.Þá verðum við líka að hafa hugfast, að tugþúsundir útlendinga á ísl.vinnumarkaði munu hafa mikil áhrif á laun í landinu þegar atvinnuleysi eykst.Þá er ljóst að þessi  mikli fjöldi innflytjenda verður þungbær byrði fyrir velferðarkerfi þjóðarinnar.Miklar umræður eru í gangi í hinum ýmsu ríkjum ESB varðandi þessi mál,sérstaklega eftir að Austur -Evrópuríkin gengu inn í bandalagið.

Það er einkennilegur og órökvís hugsunargangur,að bendla menn við rasisma,sem vilja láta kanna þessi mál til hlýtar og læra af reynslu annara þjóða í Evrópu.Ég tel þá aðila vera á villigötum og hugsa illa um hagsmuni innflytjenda,sem enga viðspyrnu og skipulag vilja hafa á hlutunum.Sú mikla þensla sem enn er  t.d. í byggingavinnu er m.a. til komin vegna of miklis fjölda útlendinga í greininni.Hins vegar hafa innflytendur fyllt upp í fjölmargar atvinnugreinar,sem skortur var á mannafla í og er það vel.

Hef ekki ekið á nagladekkjum í 15.ár - engin óhöpp eða vandamál.

Nú þegar hinar árstíðabundnu biðraðir myndast við hjólbarðaverkstæðin að skipta um dekk,hugleiða bifreiðaeigendur hvernig þeir geti best tryggt öryggi sitt yfir vetrarmánuðina.Vissulega ræður miklu búseta manna og hvort þeir þurfa að aka um langan  veg til vinnu sinnar eða búa hérna á Stór - Reykjavíkursvæðinu.

Ég tók þá ákvörðun fyrir 15.árum að aka á grófmunstruðum ársdekkjum.Hef ég auðveldlega komist leiðar minnar án óhappa,enda ek ég að stærstum hluta hér á Stór - Reykjavíkursvæðinu.Hins vegar finnst mér stórlega vanta óvilhallar leiðbeiningar sérfræðinga um hvaða hjólbarðamunstur henti best í snjó og hálku.Hvernig væri að Umferðastofa og tryggingafélögin tækju höndum saman um slíka rannsókn? Þá ber líka að skoða vel aðrar tegundir dekkja s.s.korna - og blöðru dekkin.Hjólbarðanotendur eiga að fá greinargóðar og öruggar upplýsingar í þessum efnum,en því miður eru upplýsingar frá sölumönnum mjög misvísandi um gæði og væntnalega ræður þá mestu um hvaða dekkjategundir viðkomandi er að selja.

Ég ákvað að aka hægar í snjó og hálku eftir ég hætti að nota negldu dekkin.Hins vegar er rétt   að hafa í  huga að negldu dekkin gefa oftar en ekki falst öryggi þegar naglarnir slitna og týna tölunni.

Hægari akstur, meiri aðgætni og tillitssemi er besta hálkuvörnin.

Það tók Morgunblaðið 28 ár að skilja,að LÍÚ legði sjávarbyggðir í rúst.

Eins og kunnugt er var lögum um fiskveiðiheimildir breytt l984.Þá kom svonefndur kvóti til sögunnar,sem átti að vernda fiskistofna,en 1991 hófst svo framsal og leiga á kvóta,sem hefur rústað sjávarbyggir.

Nú bregður svo við í leiðara Morgunblaðsins,að harðlega er ráðist á félagsmenn í LÍ Ú.Orðrétt segir m.a.í blaðinu." Hverjir eru það sem hafa rústað  sjávarþorp um land allt með þvi að kaupa kvóta og flytja hann á brott? Hafa það ekki verið félagsmenn í LÍÚ.Talsmaður hvers er Björgúlfur Jóhannesson form.samtakanna?Hann er talsmaður þeirra sem hafa lagt þungar byrgðar á lítil sjávarþorp um land allt með þvi að láta greipar sópa um þorpin ,hirða kvótann og fara með hann í burtu."

Þá segir einnig í leiðaranum,að félagar í LÍÚ hafi hagnast um miljarðatugi  ef ekki hundruð miljarða á því að selja kvóta og flytja peningana til útlanda skattlausa.Þessar staðreyndir allar hefur Morgunblaðið haft fyrir augunum á þriðja áratug.Varið með kjafti og klóm í þágu sérhagsmuna auðhyggunnar og græðginnar.Það verður fróðlegt að sjá í reynd hvort orðið einhverjar breytingar á sjávarútvegsstefnu Sjálfstæðisfl. á alþingi.

Aukið aðgengi að áfengi eykur drykkju - forvarnarverkefni verði efld.

Enn einu sinni  reynir hópur alþingismanna  og heilbrigðismálaráðhr.að koma í gegnum alþingi frumvarpi um aukið aðgengi að áfengisneyslu og nú í matvöruverslunum.Alltaf er vísað til fordæma erlendis í þessum efnum,án þess að koma með neinar  ábyrgar tölur um aukningu neyslunnar og afleiðingar hennar.

Allar markaðskannanir sanna að aukið aðgengi að vörum  almennt eykur sölu þeirra .Þessu er náttúrlega eins varið um sölu áfengra drykkja ,hvort heldur  er um sterkt eða létt áfengi að ræða.Eru ekki næg vímuefnavandamálin þó þessu sé ekki bætt við.Skora á þingmenn að fella þetta frumvarp,ekki meira af auðhyggju og græðgi á kosnað ungmenna.

Þá er rétt að hafa í huga,að þau lönd ,sem eru með mestu heildar neyslu af  áfengum drykkjum,þar er skorpulyfur tíðust og áfengisvandamálin mest.Þar fer saman mikil bjórdrykkja,létt - og sterkt áfengi.Meðan við Íslendingar drukkum á árum áður aðalega sterkt áfengi  vorum við með minnstu heildarneyslu áfengis í V-Evrópu í lítrum talið .Eitthvað hefur bjór dregið úr neyslu á sterku áfengi hérlendis og einnig mun létt áfengi gera það líka,en heildarneyslan mun stóraukast eins og í öllum öðrum ríkjum.Um þessi mál er hægt að nálgast skýrslur á vegum Heilbrigðismálastofnunar SÞ.

Þráhyggja samkynhneigðra,aðeins karl og kona geta fengið hjónavígslu.

Samk.kenningum Bíblíunnar og hjúskaparlögum getur hjónabandsvígsla aðeins orðið hjá  karli og konu.Þessu verður náttúrlega aldrei breytt, enda engin þörf á  því.Vígsluathöfn samkynhneigðra er á engan hátt ókristilegri athöfn en hjá gagnkynhneigðum,en nafnið verður að vera annað. Getur ekki einhver góður máfræðingur funndið  gott nafn  á vígslu samkynhneigðra ?

Hjúskapur verður alltaf háður kynhneigð,en það þýðir ekki í reynd,að ekki sé hægt að nota  sömu löggjöf.Það er vissilega hægt ef viðkomandi aðilar bera virðingu  hvor fyrir  öðrum.Láta hlutina heita réttum nöfnum og að tillitssemi og kærleikur hvort við annað fái notið sín.

Viðskiptamálaráðhr.tilkynnir að stimil - og vörugjöld verði aflögð eftir nokkra mánuði.

Hér er um mikil réttlætismál að ræða,sem þjóðin hefur beðið árum saman eftir.Það er ljóst að Björgivn G.Sigurðsson ætlar að standa undir væntingum og láta verkin tala.Þá er hann einnig að leggja fram frumvarp til laga um fyrningu kröfuréttinda,en þau sem nú eru í gildi nr.14 frá árinu 1905 eru 102 ára. Jóhönnu Sigurðardóttur,félagsmálaráðhr.er m.a. þessa dagana að vinna að ýmsum meiriháttar umbótum og breytingum hjá Trygginarstofnun ríkisins,sem mun gera þetta flókna og seinvirka kerfi skilvirkara og réttlátara.Við bíðum og sjáum hvernig tiltekst.

Svo virðist sem ráðhr..Samfylkingarinnar séu allir í góðum gír,en ráðhr.Sjálfstæðisfl.eru ekki enn komnir upp úr skóförum fyrri ríkisstjórna,vonandi láta nýir þingmenn og ráðhr. flokksins til sín taka á komandi þingi.

Stjórnarandstaðan er fámenn,en hefur ekki náð saman í neinum veigamiklum málum.Frjálslindifl.hefur þó m.a. komið fram með ,að verðbætur verði aflagðar af húsnæðismálum og lágmarkslaun verði a.m.k.150 þúsund á mánuði.Skattlaysismörk verði lækkuð í áföngum og miðist við sömu tölu.Ágætar tillögur,sem vert er að skoða vel.

Reykingar eru fyrst og síðast ávani - eiturefnin valda ein og sér lítilli fíkn.

Ég hef engar vísindalegar rannsóknir til að byggja á í þessum efnum,en tel af eigin reynslu að ávani valdi mestu um reykingar.Allir sem hafa reykt þar á meðal ég vita að fólk reykir almennt hvað mest við ákveðnar aðstæður s.s.þegar það drekkur kaffi eða áfenga drykki,talar í síma og undir ákveðnu álagi o.fl.Þetta leiðir hugann að því að tóbaksfíknin ein og sér ráði minna um neyslumunstur reykinga.

Ég er hættur að reykja fyrir nokkrum árum og gerði það án nokkurs  undirbúnings.Ég hafði nokkrum sinnum hætt áður um árabil með þeim hætti,að fara í viku veiðitúra á hálendinu og hafði ekkert tóbak meðferðis.Það ótrúlega skeði mig langaði ekkert að reykja,ástæðan var augljós ég gat ekki náð í vindlinga.Þetta sannaði fyrir mér,að tóbaksfíknin væri ekki aðalsökudólgur reykinga,heldur persónulegar ávanabundnar aðstæður neytenda í sjálfu umhverfinu.Ég veit að ávani og fíkn fylgjast að, en það getur verið skynsamlegt að aðgreina þessa tvo þætti sem meðferðarúrræði við að hætta að reykja.

Reyndar skiptir ekki megin máli hvort reykingar verða ávanabindandi vegna tóbaksfíknar  eða annara hluta,hér er um að ræða eitt stærsta heilbrigðismál  heimsins.Það skiptir því miklu máli,að tóbaksneytendur  fái rétta meðferð,en lendi ekki inni í vítahring  notkunar alls konar efna og tækja í staðinn,sem þeir verða árum saman háðir og kosta mikla fjármuni.

Afnema verðtryggingu af íbúðarlánum - stórlækkun vaxta - samkeppni milli lánastofnana

Allir vita   að verðbólgan leggst með mestum  þunga á íbúðarlánin.Verðtryggingar hækka  t.d.höfuðstóll  á 16.miljóna kr.lánum í 5% verðbólgu um miljón kr.á ári.Þó svo að byggingarvísitala hækki verulega á móti dugar það engan veginn til ,sérstaklega utan höfuðborgarsvæðisins.

Áttu ekki aðrar gjaldtökur í íbúðarviðskiptum eins og stimilgjöld o.fl.að vera aflagt þegar þessi ríkisstjórn tæki við.Vona að Jóhanna bretti upp ermar og klári dæmið.

Við útreikning neysluvísitölu,sem er mælikvarði á verðbólguna, veldur  húsnæðiskosnaður  langstærstum hluta  verðbólgunnar samanber útreikninga Hagstofunnar.Ég skil ekki af hverju skipan lánakjara einstaklinga hér á landi geti ekki verið hliðstæð því sem gerist á hinum Norðurlöndunum. þar er bæði miklu lægri vextir og engar verðbætur á ibúðarlán.Þá má geta þess að húsnæðiskosnaði  er haldið utan neysluvisitölu í ESB ríkjum.

 Við vöðum elginn  í  bullandi verðbólgu og setjum þúsundir heimila árlega í greiðsluþrot.Á sama tíma greiða viðskiptaaðilar bankana um 70 miljarða í yfirdráttarlán árlega  á 22 - 24 % vöxtum.Ég hef megnustu ógeð á svona viðskiptaháttum,þar sem græðgin ein situr í fyrirrúmi.Það sem er þó verst af öllu ,að undanfarnar ríkisstjórnir og Alþingi hafa ekki haft neina stjórn á þessum vaxta og verðbólgumálum.Við hverju meigum við búast af núverandi ríkisstjórn?

Hver var hlutur Helga S.Guðmundssonar og Finns Ingólfssonar í verðbéfum VÍS ?

Samkvæmt frásögn Sverris Hermannssonar fyrrv.bankastj.Landsbanka Íslands var söluverð bréfa Landsbankans í VÍS 6,6 miljarðar.Innan þriggja ára seldu kaupendurnir bréfin á 31,5 miljarða kr.Gróði seljanda gripdeildarmanna 25 miljarðar,samk.frásögn Sverris.

Hverjir lögðu undir sig þessa fjármuni Samvinnutrygginga eru það sömu menn sem nú koma bakdyramegin sem kaupendur í REI. Sverrir nefnir framsóknarm.Helga S.Guðmundsson og Finn Ingólfsson,sem hafi verið aðalkaupendur  umræddra bréfa á sínum tíma.

Sverrir segist hafa verið einn af eigendum Landsbankans, þegar þessi meintu afbrot voru framin á  eignum bankans.Hyggst hann þó seint sé,leita réttar síns vegna meðferðar þessa kóna á eignum bankans.Í leiðinni mun hann snúa sér til forsetadæmis Alþingis og óska eftir rannsókn þess á aðild  undirdáta þess.

Væri ekki rétt fyrir stjórn REI og Orkuveitu Reykjavíkur  að kanna vel hvort umræddir hluthafar geti hugsanlega skaðað viðskiptavild félagsins.

Var Vilhjálmur Þ.Vilhjálmsson blekktur varðandi samning Orkuveitunnar við REI ?

Á meðan Björn Ingi Hrafnsson sat í stjórn Orkuveitunnar sem fulltrúi Framsóknarfl.í borgarstjórn og virtist  jafnframt  vera " aðstoðarmaður" auðjörfa flokks síns ásamt Bjarna Áramannssyni að ná fram samingnum í REI.Vilhjálmur borgarstjóri,sem einnig sat í stjórn Orkuveitunnar  virtist jafnframt treysta  þáverandi vini sínum BIH fullkomlega og fór í einu og öllu að hans ráðum.

Skyndilega drógu borgarfulltrúar Sjálfstæðisfl.gardínurnar frá og sáu sér til skelfingar að samningum Orkuveitunnar við REI hafði verið haldið leyndum fyrir þeim og jafnframt aðkomu  auðjörfa Framsóknarfl.að hlutabréfum í REI.Þeir hefðu náð kverkatökum á forstöðumönnum Okuveitunnar.Samningar verið undirritaðir, allt var klappað og klárt.Eitthvað mynnisblað um gerð  hluta samningsins  áttu að vera til staðar á heimili borgarstj.eftir að honum hafði verið kynntur "samningurinn "á heimili sínu af Bjarna Ármannssyni.

Í Kastljósi horfði Bjarni Ármannsson undrunaraugum á Vilhjálm þegar hann neitaði fastlega að hafa móttekið eitthvað plagg varðandi umræddan samning á heimili sínu.Eftir að hafa hugleitt þessa uppákomu í þættinum  eftirá taldi ég Bjarna  hafa ofleikið hlutverk sitt gagnvart Vilhjálmi , augnaráð Bjarna  var of hvasst og stöðugt til að vera sannfærandi.Var hann ekki frekar að skoða  viðbrögð Vilhjálms ?

Nú spyr fólk,var Vilhjálmur út á þekju,gamli góði Villi orðinn gleyminn eða var Bjarni með vel útfært  og skipulagt blekkingarspil,halda á "einhverju " blaði,lýsa þar innihaldi samningsins við REI,en afhenda ekki Vilhjálmi neina pappíra þar að lútandi? Hafi þetta  gerst með þessum hætti,hefur þessi "leikþáttur" Bjarna tekist fullkomlega,honum trúað,en Vilhjálmur gerður að flóni.Á Vilhjámur einhverja útgönguleið frá hugsanlegri leikfléttu Bjarna.Lesendur geta hugleitt þetta mál,það eru  til aðferðir að leiða sannleikann í ljós,en hversu djúft vilja rannsóknaraðilar grafa og hversu miklum fjármunum eyða.