Víkingasveit lögreglunnar verður í miðborginni um helgar til aðstoðar lögreglunni.

Ég get ekki séð að lögreglan hafi  haft neinn hemil á þeim sjóðfullu ungmennum og fíkniefnaneytendum sem hafa lagt undir sig miðborg Reykjavíkur um helgar.Sóðasakpur út um allt,bréfarusl,matarleyfar,glerbrot,ælur,vindlingahrúgur á gangstéttum og götum fyrir framan skemmtistaðina,auk þess sem menn míga á götum úti og upp við hús og krota á veggi.Allt þetta geta menn fengið staðfest á ferð sinni um borgina síðla nætur.Hvers konar árásir fylgja Þessu næturlífi og hefur slysadeild  Borgarspítalans vart undan að gera að sárum manna.

Er ekki nóg komið af þessu stjórnleysi og  aumingjahætti stjórnvalda.Það á að framfylgja reglum á veitingastöðum,sem hafa leyfi til áfengissölu að afgreiða ekki áfengi til áberandi  drukkinna manna.Þá á lögreglan að kæra menn á almannafæri,sem eru sökum ölvunar og fíkniefnaneyslu  hættulegir umhverfi sínu.Þetta er allt hægt að gera með lögformlegum hætti ef vilji er fyrir hendi. Það á að beita verulegum sektum fyrir afbrot af þessum toga.Mér sýnist að hægt hafi verulega á umferðinni eftir að sektir fyrir hraðakstur voru hækkaðar,er ekki líklegt að sóðaskapnum og barsmíðunum í borginni myndi fækka  ef sektum væri almennt beitt fyrir brot af þessum tagi.Ég skora á lögregluna og borgaryfirvöld að taka fast á þessu stjórnlausa ástandi.