Gott skipulag,trúnaður og skilvirt upplýsingakerfi löggæslunnar skilar árangri.

Þegar löggæslan fær nægan tíma,mannafla og fjármuni til að rannsaka umfangsmikil fíkniefnamál þá nær hún árangri.Því miður hafa rannsóknir fíkniefnamála verið fremur tilviljunarkenndar í gegnum árin sökum mannfæðar og skorts á fjármunum.Rannsóknir sem taka til fjármögnunar, skipulags innflutnings og dreifingu  fíkniefna eru afar flókin og tímafrek.Hér verður ekki farið út í að skilgreina þeim aðferðum sem beitt er við uppljóstrun slíkra mála.

Ljóst er á þessu máli,að löggæslan hefur gefið sér góðan tíma,  unnið faglega og áunnið sér traust viðkomandi löggæslumanna í öðrum löndum.Það gleður mig mikið að þetta mál skyldi upplýsast á jafn farsælan hátt og raun ber vitni.Nú ættu stjórnvöld að sórauka fíkniefnarannsóknir og sýna það í verki á næstu fjárlögum,að þjóðin sé ákveðin í að hefja alls herjar stríð við fíkniefnaheiminn.Fólkið í landinu á að treysta löggæslunni .Látið álit ykkar í ljósi og hvetjið öll heimili í landinu að vera vel á verði gegn þessum versta óvini samtímans.

Athugasemdir

[Kristján Sigurður Kristjánsson, 22.9.2007 kl. 21:09]

Hver er svo árangurinn af þínu starfi og annarra löggæslumanna í gegnum áratugina? Þeir sem vilja dóp ná í dóp, jafnvel fangar á dauðadeildum fangelsa heimsins.

[Kristján Pétursson, 22.9.2007 kl. 22:24]

Þegar ég heyri svona uppgjafartón og undanhald gagnvart fíkniefnaneyslu ,þó ekki náist sá árangur,sem þjóðir heims stefndu að fyrir áratugum síðan.Eru ekki rannsóknarstofnanir og læknar um víða veröld að reyna að finna varnalega lækningu við ýmsum sjúkdómum t.d.krabbameini.Vitanlega verður áfram haldið að berjast gegn notkun fíkniefna í hvaða mynd sem þau birtast,en sífellt verður leitað leiða að ná sem bestum árangri t.d.aðþjóðlegri samvinnu um að stöðva ræktun þeirra jurta sem efnin eru unnin úr og ólögmætar verksmiðjur.