Stefnulaus og útbrunnin ríkisstjórn,sem einkennist af valdþreytu og úrræðaleysi.

Þessir kraftlausu og langþreyttu ríkisstjórnarflokkar eru orðnir ein allsherjar martröð á stjórnsýslunni.Eins og kunnugt er hækka húsnæðislán ár frá ári vegna veðbólgunnar þó stöðugt sé greitt af lánunum.Hafir þú tekið 10.miljóna fyrir t.d.tveimur árum og greitt af því vexti og afborganir um 1300 þúsund, samt hefur skuld  húsnæðismálalánsins hækkað um 1600 hundruð þúsund eða í 11 milj.og 600 þús.kr á þessum tveimur árum.Þessi verðtryggðu lán eru að setja  tugþúsundir lántakenda í algjört skuldafen,sem beinlínis brýtur niður framtíðaráætlanir heimilanna.Yfirdráttarlán til heimilanna í landinu eru nú um 70 miljarðar á 21 - 23 %  vöxtum,sem sýnir glögglega hvernig staða heimilanna  er,enda skuldsettustu heimili veraldar,þó erum við talin "5.ríkasta þjóð veraldar," hvernig sem það má nú vera.Er ekki tímabert að lánveitendur,bankarnir og ríkissjóður greiði verðbætur af húsnæðismálum í stað þess að velta henni sífellt á lántakendur.

Við erum með hæstu vexti í Evrópu,hæsta matvælaverðið  og misskipting auðs er nú orðin einnig hæst á Íslandi.Þá er viðskiptahalli hvergi hærri en hér eða vel á annað hundrað miljarðar á s.l.ári,sem m.a.mun hafa veruleg áhrif á okkar hvikula gjaldmiðil,sem veldur náttúrlega einnig vaxtaorkri endalausra hagstjórnarmistaka.Þá eru sífelld átök þessarar ríkisstjórnar við öryrkja og lífeyrisþega og annað lálaunafólk  öllum kunn.Fákeppni og óvirk samkeppni er eitt af fjölmörgum vandamálum,sem hin útbrunna ríkistjórn stendur úrræðalaus gegn.Læt þessa lýsingu nægja af stefnuleysi ríkisstjórnarinnar.Við vonum að jafnréttissinnuð ríkisstjórn taki við völdum á vordögum.

Athugasemdir

[Gunnar Helgi Eysteinsson, 2.1.2007 kl. 13:14]

Frá því ég man eftir mér, þá hef ég heyrt fólk segja eitthvað á þessa leið;  "vonum að jafnréttissinnuð ríkisstjórn taki við völdum"

Hafa orðið miklar breytingar ?

[Sigríður Laufey Einarsdóttir, 2.1.2007 kl. 21:34]

Það sem er verra. Stjórnarandstaðan hefur alltaf verið útbrunnin, ekki bjart framundan en alltaf von.

Kveðja

[Kristján Pétursson, 2.1.2007 kl. 22:46]

Ég ætla mér ekki að verja stjórnarandstöðuna,hún verður dæmd af verkum sínum í komandi alþingiskosningum.Verra er að Framsóknarflokkurinn skuli vera nær útbrunninn og lítil von að ná tökum á þeim eldi.Alþýðuflokkurinn nánast hvarf í samstarfi við íhaldið í Viðreisnarstjórninni,nú er þetta að endurtaka sig hjá Framsóknarfl.og það sem verra er, flokkurinn  heldur áfram íhaldsdekrinu lætur leiða sig til samstarfs í sveitastjórnum vítt og breytt um landið.Ég vona samt að Framsóknarfl.finni ljósið í myrkrinu þeir þurfa umfram allt langa og góða hvíld.

Kveðja.           2.1.2007 kl.22.45