Hvenær kemur aðgerðaráætlun ríkisstjórnarinnar til framkvæmda - þjóðin bíður.

Þjóðin er búin að bíða í tæpt ár eftir aðgerðum ríkisstjórnarinnar í efnahagsmálum.Í kvöld kom forsætisráðhr.fram á Stöð 2 og var spurður um aðgerðir í efnahagsmálum,svarið var sem fyrr að verið væri að athuga málin.  Hvað veldur þessu úrræða - og  getuleysi ríkisstjórnarinnar,samstarfið er gott,elskulegar augngotur og breytt bros Ingibjargar til Geirs sýnir að sambandið er traust.Er ekki löngu kominn tími til að spyrna við fótum,áður en í  enn frekara óefni er komið .Öll þjóðin er búin að bíða eftir einhverju aðgerðaplani frá ríkisstjórninni ,en ekkert gerist.

Stafar þetta af getuleysi, þekkingarskorti og reynsluleysi viðkomandi forustumanna, nei tæpast.Sjóleiki, vanmat á aðstæðum og tilfinnigaskortur fyrir lífsafkomu fólks almennt er líklegri skýring Því miður virðist svo vera,hjartalag þeirra slái alls ekki  í takt við þjóðarsálina.Mér þykir sárt sem jafnaðarmanni að þurfa að upplifa svona tíma,mikill meirihluti þjóðarinnar virðist vera á sama máli um þennan framgangsmáta ríkisstjórnarinnar.

Ingibjörg þú hefur staðið þig vel í utanríksmálum,nú verða landsmálin að njóta forustu þinnar og leiða þau til lykta á farsælan hátt.  

Heiðar á höggi yfir pari í Sviss í EPD mótaröðinni.

Þetta er fyrsta mótið hans á þessari mótaröð,en hann er nú búsettur í Luxemburg.Hann er í 29-36 sæti af 123 kylfingum.

Það verður gaman að fylgjast með honum,en hann er einn af okkar bestu kylfingum í dag.

Heiðar á höggi yfir pari í Sviss

18 ára verðbólgumet slegið - Enn er ríkisstjórnin á harðahlaupum undan verðbólgunni.

Ef heldur sem horfir verður ríkisstjórnin að segja af sér,úræða - og kjarkleysi og alls konar flottræfilsháttur veldur því að þjóðin er búin að fá meira en nóg.Það hefði ekki nokkur maður túað því að ríkisstjórn með milli 60 og 70% kjörfylgi gæti ekki gert neinar skipulagðar áætlanir í efnahagsmálum  s.s.verðbólgu og vaxtamálum.

Samfylkingin setti fram stefnumál fyrir síðustu kosningar að skattleysismörkin yrðu hækkuð í samræmi við hækkun launavísitölu,sem ættu að vera núna 150 þús.kr.Hún mun hins vegar miðað við launavísitölu frá 1988 hækka á næstu þremur árum  í 115 þúsund kr.Kosningaloforð Samfylkingarinnar um almenna hækkun  frá TR til allra ,er nú neðst í loforðapokanum? Hvað um stimilgjöldin,sem átti strax að afnema .Efndirnar eru þær ,að stimilgjöld falla aðeins niður af kaupum fyrstu íbúðar.

Í loforðapakka  Sjálfstæðisfl.um að þeir, sem enga greiðslu fá nú úr lífeyrissjóði fái 25 þús.kr.brúttó lífeyrir.Eftir skatta og skerðingar verða hins vegar aðeins 8 þús.kr.eftir af þessum 25 þús.kr.Þá var lofað að gera breytingar og endurskoðun á kvótanum,en ekkert gerist.Svona er hægt að halda lengi áfram með kosningaloforð ríkisstjórnarfl.,það er allt á einn veg stjórn - og úrræðaleysi. 

Björgvin Guðmundsson,gerir þessum málum góð skil í Fréttablaðinu í dag.

Hið ábyrgðarlausa lánadrifna " góðæri " á enda.

Ámundi Loftsson,bóndi skrifar ágæta grein i Morgunblaðið um hagstjórnarmál.Þar segir hann m.a." þar sem fasteignaverð fer nú lækkandi þannig að upphæðir tekinna húsnæðislána geta orðið hærri en matsverð,vakna spurningar um verðtyryggingu.Hún er eingöngu á ísl.krónunni ,en ætti með réttu að vera á veðinu líka,þannig að falli veðsett húseign í verði ,lækki lánið að sama skapi."Þetta er rökrétt skoðun,sem rétt er að hugleiða vel.

Allur þessi verileiki á að mestu rót sína að rekja til stjórnarstefni tíunda áratugarins.Hið ábyrgðarlausa lánadrifna " góðæri "er á enda og fráhvarfið er framundan.Ekki hefur tekist að hemja lánasukkið,sem hratt af stað þeirri flóðöldu,sem við eigum nú við að stíða.Á sínum tíma setti R -listinn lóðir á uppboð í Reykjavík og lóðaverð rauk í himinhæðir.Aðkoma bankanna að húsnæðislánum vóg þó þyngst og öll " hagstjórn " fór úr böndunum.Ríkisstjórnin og bankarnir láta svo  lántakendur bera alla verðbólguna og vaxtaokrið.

Hugmynd Björgólfs um Þjóðarsjóð vel tekið af Geir og Ingibjörgu.

Björgólfur form.bankaráðs Landsbankans telur að slíkur sjóður gæti haft tekjur af auðlindum landsins og hugviti þjóðarinnar.Sjóðurinn yrði notaður til að verja efnahagslífið og hagstjórnina fyrir áföllum eins og nú hafa dunið yfir.

Við eigum reyndar okkar þjóðarsjóð sem eru lífreyrissjóðirnir.Hins vegar má segja að auðlindagjald hefði átt að vera búið að lögfesta fyrir löngu  síðan af sameignum þjóðarinnar.Það hefði t.d.strax átt að gerast þegar kvótinn ver settur á fiskveiðiheimildir.Sama gildir um vatnsafl og jarðvarma o.fl.

Slíkt auðlindagjöld renni til ríkisins til að efla uppbyggingu,hugvit  og ýmsa vísindalega þætti sameigna þjóðarinnar.

Ég tel að bankarnir ættu sjálfir að koma upp öflugum varasjóum og geta staðið á eigin fótum til að tryggja sig og sína starfsemi.Þjóðarsjóður er að mínu viti aðeins réttlætanlegur í formi auðlindagjalds,en ekki til að verja efnahagslífið fyrir slæmri og oft spilltri hagstjórn.

Skipulagðar harkalegar aðgerðir lögreglu gegn mótmælendum - hvað næst ?

Hvað gerist ef tugþúsundir skipulagðra mótmælenda koma saman í miðborginni,sem fara ekki eftir fyrirmælum lögreglunnar og kynnu að valda miklum skemmdarverkum? Ég sé ekki að lögreglan hafi neina burði til að halda uppi lögum og allsherjar reglu við slíðar aðstæður jafn fámenn og hún er.

Lögreglan verður að gæta hófs í allri framgöngu á vettvangi  við svona aðstæður og reyna af fremsta megni að róa viðstadda.Var nokkur ástæða að handtaka vorubifr.stj.á vettvangi,sem auðveldlega mátti ná til þeirra hvenær sem væri? Þá var ógnandi framkoma sumra lögreglumanna ekki til að róa viðstadda.Handtaka vörubifr.stj.og jafnframt að taka bifr.þeirra í vörslu lögreglunnar,sem höfðu lagt bifr.sínum löglega verður ekki auðveldlega skilin við þessar aðstæður.Hins vegar er ég andvígur öllum ólögmætum aðgerðum vörubifreiðastj.við lokun akbrauta.

Staðreyndin er sú að fólkið í landinu telur sig ekki geta beði'ð lengur aftir aðgerðum ríkisstjórnarinnar í efnahagsmálum.Það  er sterk andstaða í þjóðfélaginu,sem krumar undir og hún er að koma upp á yfirborðið.Við höfum bara séð fyrstu viðbrögðin og því miður virðist lögreglan ekki hafa haft nægjanlega góð tök á aðgerðum á vettvangi.

Ríkisstjórin ætti fyrir lögnu síðan að vera búin að gefa út fyrirmæli um aðgerðarplan í efnahagsmálum svo þjóðin viti hvað er framundan  í verðbólgu - og vaxtamálum,en eins og kunnugt er hækkar höfuðstóll  lána gífurlega og fjöldi gjaldþrota eyks.Þá hafa eldsneytis - og matarhækkanir mikil áhrif á lífsafkomu fólks.Allt þetta og reyndar margt fleira kindir undir óánægju fólks,sem hæglega getur sprungið út í alvarlegri átökum en við höfum verið vitni að hingað til.

Enn er afstaða dómsmálaráðhr.óbreytt í lögreglustjóramálinu - skortir þekkingu á staðháttum.

Niðurstaða Ríkisendurskoðunar leysir engan vanda í þessu máli , að hver verkþáttur falli að því ráðuneyti,sem fer með málaflokkinn. Dómsmálaráðhr. vill að embætti lögreglustj.komi undir samgöngu-fjármála - og dómsmálaráðuneytið,en eins og kunnugt er fer lögreglustj.Jóhann R.Benediktsson  nú neinn með yfirstjórn þessara mála.Rétt er að árétta,að allt frá því að varnarsamningurinn var gerður 1951 við Bandaríkin, þá hefur ávallt lögreglustj. eða sýslumaður gegnt yfirstjórn löggæslumála á Keflavíkurflugv.í 56 ár,en embættið kom þá eins og kunnugt er undir utanríkisráðneytið,þar til varnarliðið fór.

Þessi yfirstjórn hefur alla tíð  hentað þessu embætti vel og enginn ágreiningur verið um það,fyrr en núverandi dómsmálaráðhr.vill fara að þrískipta yfirstjórn þess.Aðal rök hans fyrir þessari breytingu er að spara fjármuni.Yfirleitt er þessu öfugt varið,að sameining embætta og sveitastjórna séu gerð til hagræðis og spara fé.Persónulega sé ég engin haldbær rök hjá ráðhr.fyrir þessari breytingu.Ég tel mig gjörþekkja þessa stofnun bæði fjárhags - og rekstrarlega eftir að hafa starfað þar á sínum tíma,sem deildarstj.á þriðja tug ára.Vænlegast til að leysa þennan ágreining hefði dómsmálaráðhr.átt að hafa frumkvæði að því að ný lög yrðu sett um framkvæmd  stjórnskipunar á löggæslu og -öryggismálum á Keflav.flugv.Þau kæmu ekki lengur undir samgöngu - og fjármálaráðhr.heldur einungis undir dómsmálaráðhr.Þá færi lögreglustjórinn  á Suðurnesjum með  með alla lögformlega stjórnun löggæslu - og öryggismála m.a.í flugstöðinni eins og margsinnis hefur verið óskað af löggæslumönnum á staðnum.

Ég hef áður á bloggsíðum mínum lýst skipulagháttum embættisins er viðkemur störfum í flugstöðinni.Hér er aðalega  um að ræða lögreglu -tollgæsu - og öryggismál og landamæraeftirlit o.fl.Þá hefur fíkniefnaeftirlit verið stóraukið eins og kunnugt er.Flest þessara starfa tengjast með einum eða öðrum hætti komu - og brottfararfarþegum og fraktflugi.Skipulag þessara starfa samtengjast á  öryggislegum vettvangi,enda er hér um samverkandi störf að ræða ,sem verður að skipuleggja samk.áætlun flugfélaga til og frá landinu.Það ætti því öllum að vera augljóst,sem að þessum skipulagsmálum koma,að þrískipting valds myndi stjórnsýslulega tefja boðleiðir og veikja stjórnunarhætti embættisins stórlega.Það væri afar slæmt ef Jóhann R.Benediktsson og fleiri starfsmenn embættisins hættu störfum þarna vegna ágreinings við dómsmálaráðhr.Jóhann er hæfileikaríkur,dugmikill kjarkmaður,sem hefur sýnt í verki hversu megnugur hann er.

Enn og aftur bið ég því dómsmálaráðhr.að koma sér upp úr þeirri svartavillu sem hann hefur rótfest sig í þessu máli.Hins vegar er ég sammála ráðhr.um a.m.k.200 - 300 manna varalið,sem hægt væri að nýta ef lögregluna skortir mannafla við sérstakar aðstæður,annað er ábyrgðarleysi.

Óverðtryggð 10 ára evrulán til íbúðarkaupa - eru í skoðun hjá Allianz og Byrs á Íslandi.

Ollianz er í eigu Sparisjóðsins Byrs.Í nokkra mánuði hafa þessir aðilar verið að skoða markað fyrir íbúðarlán á föstum óverðtryggðum evrulánum til 10 ára.

Vonandi verður þetta að veruleika,en lánstíminn ætti að vera a.m.k.til 20 ára.Ekki er heldur vitað ennþá á hvaða vöxtum slík lán yrðu,enda hafa víst aðeins farið fram frumathuganir um slíkan banka.

Sjálfsagt myndu margir óska þess,að hér kæmi erlendur banki með evrumynt,svo hægt yrði að koma krónunni úr umferð og okurvextir ísl.bankanna yrðu slegnir út af borðinu.Þeir mættu ásamt Seðlabankanum í núverandi mynd reyndar alveg missa sig,þeirra yrði ekki sárt saknað.

Óverðtryggð evrulán til 10 ára - er í skoðun hjá Ollianz á Íslandi.

Ollianz er í eigu Sparisjóðsins Byrs.Í nokkra mánuði hafa þessir aðilar verið að skoða markað fyrir íbúðarlán á föstum óverðtryggðum evrulánum til 10 ára.

Vonandi verður þetta að veruleika,en lánstíminn ætti að vera a.m.k.til 20 ára.Ekki er heldur vitað ennþá á hvaða vöxtum slík lán yrðu,enda hafa víst aðeins farið fram frumathuganir um slíkan banka.

Sjálfsagt myndu margir óska þess,að hér kæmi erlendur banki með evrumynt,svo hægt yrði að koma krónunni úr umferð og okurvextir ísl.bankanna yrðu slegnir út af borðinu.Þeir mættu ásamt Seðlabankanum í núverandi mynd reyndar alveg missa sig,þeirra yrði ekki sárt saknað.

Íhugar að bjóða óverðtryggð íbúðalán

Verður Landsspítalinn gerður að opinberu hlutafélagi ?

Nú eru forstj.Landsspítalans og formaður nefndar um spítalann,báðir sjálfstæðismenn farnir að ræða um að gera Landsspítalann að opinberu hlutafélagi.

Það verður fróðlegt að sjá hvaða viðbrögð Samfylkingin sýnir í þessu máli.Eins og allir vita er hlutafélagsformið inngangur að einkarekstri.Það má aldrei ske með Landsspítalann,heilbrigðiskerfið okkar er eitt að grundvallarstoðum lýðræðisins ,sem stendur fyrir jafnræði öllum til handa.Þarna verður Samfylkingin að standa föst fyrir eins og reyndar Framsóknarfl.gerði í samstarfi við íhaldið. Við viljum ekki að græðgin smiti um sig meira en orðið er í heilbrigðismálum okkar.