75 % eign Ísl.ríkisins í Glitni þýðir yfirtöku á 2000 miljörðum kr.skuldum bankans.

Samþykki eigendur Glitnis á hlutabréfafundinum,að ríkið eignist 75% í  Glitnir  hefur ríkið skuldsett  þjóðina fyrir um 2000 miljörðum.Eignir bankans eru taldar um 200 miljarðar eða um 10 %. Kannski er skemmra í þjóðargjaldþrot en maður hélt þegar þessi gjörningur hófst í Seðlabankanum með þeim Davíð Og Geir.Vonandi verður þetta mál tekið upp á Alþingi á morgun,en glöggir menn telja,að svona mál verði að afgreiðast á þinginu,sem hefur fjárveitingavaldið.

Að Seðlabankastjóri og forsætisráðhr.skulu leyfa sér svona einspil með fjárreiður þjóðarinnar ´gerir mann óttasleginn.Nú skilur maður betur en áður af hverju við fáum litla sem enga  lánafyrirgreiðsu á alþjóðavettvangi,það er meira en krónan sem því veldur.

Er ekki kominn tími fyrir Samfylkinguna að slá upp lokaballi fyrir Sjálfstæðisfl.og hætta þessu vonlausa samstarfi.

Er forsætisráðhr.strengjabrúða Seðlabankastjóra ? Glitinsmálið staðfestir það.

Hvenær verður mælirinn fullur hjá ríkisstjórninni og Seðlabankastjóri látinn hætta störfum.

Seðlabankinn og reyndar ríkisstjórnin líka hafa aldrei komið með heildstæða áætlun til að vinna sig út úr fjárhagsvandanum.Seðlabankinn átti fyrir mörgum árum síðan að vera búinn að ná samningum við aðra Seðlabanka m.a. Norðirlandanna um aðgang að nægu lausafé,nákvæmlega eins og samvinna hinna Norðurlandanna hefur verið um langa hríð.Þetta fé hefði svo Seðlabankinn okkar geta notað ef illa áraði til að hjálpa bönkunum okkar.

Það þýðir lítið eins og Davíð gerir og forsætisráðhr.að hlaupa til og ætla að ná stórum lánum þegar heimskreppa er skollin á.Það sama gilti reyndar um alla bankana,þeir sinntu ekki að byggja upp lausafjárstöðu sína þegar vel áraði,þeir óðu áfram án nokkurrar ábyrgðar og fyrirhyggju og lentu síðan í slíku strandi,að mikil óvissa er um að þeim verði aftur ýtt úr vör.

Það þarf að taka skjóta ákvörðun um hveru langt ríkissjóður á að ganga til að hjálpa bönkunum út úr sínum ógöngum.Fari þeir á hausinn þarf ríkissjóður að tryggja að landsmenn missi ekki sparifé sitt,en að öðru leiti eiga landsmenn ekki að taka á sig fjárhagslega ábyrgð  fyrir þessa einkabanka,sem engin ríkisábyrgð hvílir á.

Við erum búin að horfa áratugum saman á þessa frjálshyggju menn,sem hafa í pólutísku skjóli íhalds og framsóknar gleypt bankana og verðmætustu fyrirtæki landsins.Halda svo þessir sömu menn,að þjóðin sé tilbúin að senda björgunarskip til að draga banka og fyrirtæki þeirra að landi.Gróði þessa fyrirtækja er vandlega falinn í skattaparadísum víðsvegar um heiminn.Það eru þessir sömu aðilar,sem segjast ekki eiga neitt lausafé til að reka bankana.Hvað um hundruð miljarða hagnað þessa banka og fyrirtækja á undanförnum árum,sem þeir hældu sér af ársfjórðungslega,hvar er hann núna ? Var stöðugt verið að ranghverfa  staðreyndum og blekkja þjóðina ? Var ekki nóg komið að þessir sömu aðilar fengu t.d.bankana á algjörum spottprís?

Nú eru þessir útrásarmenn nýju Víkingaaldarinnar  vonandi að hverfa af vettvangi og talsmenn frjálshyggjunnar hafa degið sig inn í skelina , þegar sýnilegt var öllum ,að grægðin var orðin að illkynjuðu þjóðarmeini. 

Við þurfum andlegt frelsi og lýðræði til að byggja upp  fjárhagslega heilbrigt þjóðfélag,við þurfum öll að geta dregið lærdóma af reynslunni og haft hemil á grægði peningavaldsins, sem þegar hefur dregið með sér í fallinu tugþúsundir Íslendinga.Það er nógu lengi búið að draga yfir höfuð manna pólutískt svartnætti,við þjóðin verðum að fá nýja liðsmenn til að lýsa okkur veginn.Davíð og Geir eiga strax að yfirgefa skútuna ,síðan má hræra í hinum pólutíska potti og sjá hvort eitthvað af þessu liði sé á vetur setjandi.

Ákvörðun um hlutafjárkaup ríkisins á Glitni ólögmæt.

Alþingi fer með fjárveitingavaldið,en ekki Seðlabankastjóri né forsætisráðherra.

Glitnir hefur staðist öll álagspróf fjármálaeftirlitins.Manni virðist að hér hafi verið gengið fram af miklu harðræði og vanhugsun og yfirtaka bankans skapi meiri vandræði innan fjármálageirans en þurft hefði að vera.

Enn og aftur er Davíð kominn í aðalhlutverkið og notar Geir til að koma fram sínum áformum.Manni virðist að hér hafi átt sér stað eins konar eignarupptaka í þágu samkeppnisaðila. 

Einelti Davíðs á sér engin takmörk.Nú notar hann Geir til að fanga Jón Ásgeir.

Það verður fróðlegt fyrir þjóðina að fylgjast næstu daga með framvindu Glitnismálsins.Hver fær innmatinn úr bankanum  á spottprís?Hverjir njóta hylli Davíðs kóngs og fær hausa og fætur?Sem gamall sveitamaður nota ég gjarnan svona samlíkingar.

Skyndilegt inngrip Seðalbankans að þvinga fram yfirtöku á Glitni,kom mjög skyndilega.Ekki virðist hafa verið leitað annara lausna t.d.sameiningu banka.Hlutabréfaeigendur um 12 þúsund manns verða fyrir miklu tjóni með þessari aðför,án þess að koma við neinum aðgerðum.Fá aðeins 1 / 8 hluta af verðmætum sinna bréfa.

Mestur er skaði eignahluta Jóns Ásgeirs og fjölskyldu hans,sem er stærsti hluthafi  bankans.þau gætu tapað hátt í hundrað miljarða.Davíð virtist brosa blítt til fréttamanna eftir að ákvörðun hafði verið tekin um yfirtöku Seðlabankans á Glitni.

Lögreglustjórafélagið sendir frá sér stuðningsyfirlýsingu til dómsmálaráðhr.

Félagið harmar þær illskeyttu og persónulegu árásir,sem Björn Bjarnason hefur orðið að sæta. Hann hafi styrkt lögregluna og  réttarvörslukerfið í embættistíð sinni og hafi átt gott og náið samstarf  við lögreglustjóra landsins.

Þessi yfirlýsing virkar á mig eins og minningargrein,fremur en stuðningsyfirlýsingu.Það er að sjálfsögðu gott að aðdáendur dómsmálaráðhr.láti til sín taka í þessu máli og lýsi jafnframt yfir fyllsta trausti við Ríkislögreglustjóra.Þeir eru þá væntanlega ánægðir með málsmeðferðir og dómniðurstöður í Baugs - og Málverkamálinu o.fl.stórmálum.Hvað um skort á lögreglumönnum í flestum lögsagnarumdæmum landsins,sem lögreglustjórar hafa sáran kvartað yfir.

Stuðningsyfirlýsingin við dómsmálaráðhr.er undirrituð af Ólafi Helga Kjartanssyni,ritara lögreglustjórafélagins,en hann er jafnframt góðvinur ráðherrans.Nú þarf að upplýsa hvort öllum lögreglustjórum í félaginu hafi verið persónulega kynnt stuðningsyfirlýsingin og myndbirtingin,sem fylgdi fréttinni.Það er áríðandi fyrir alla viðkomandi aðila að geta kynnt sér nákvæmlega .það verklag ,sem viðhaft var við undirbúning yfirlýsingarinnar,svo hún njóti trúverðugleika allra sem hlut eiga að máli. Hér er ekki verið að væna ritarann um neinn óheiðarleika,heldur sjálfsagða skýringu á atburðarrás þessa  gjörnings.

Lögreglustjórafélagið sendir frá sér stuðningsyfirlýsingu til dómsmálaráðhr.

Félagið harmar þær illskeyttu og persónulegu árásir,sem Björn Bjarnason hefur orðið að sæta. Hann hafi styrkt lögregluna og  réttarvörslukerfið í embættistíð sinni og hafi átt gott og náið samstarf  við lögreglustjóra landsins.

Þessi yfirlýsing virkar á mig eins og minningargrein,fremur en stuðningsyfirlýsingu.Það er að sjálfsögðu gott að aðdáendur dómsmálaráðhr.láti til sín taka í þessu máli og lýsi jafnframt yfir fyllsta trausti við Ríkislögreglustjóra.Þeir eru þá væntanlega ánægðir með málsmeðferðir og dómniðurstöður í Baugs - og Málverkamálinu o.fl.stórmálum.Hvað um skort á lögreglumönnum í flestum lögsagnarumdæmum landsins,sem lögreglustjórar hafa sáran kvartað yfir.

Stuðningsyfirlýsingin við dómsmálaráðhr.er undirrituð af Ólafi Helga Kjartanssyni,ritara lögreglustjórafélagins,en hann er jafnframt góðvinur ráðherrans.Nú þarf að upplýsa hvort öllum lögreglustjórum í félaginu hafi verið persónulega kynnt stuðningsyfirlýsingin og myndbirtingin,sem fylgdi fréttinni.Það er áríðandi fyrir alla viðkomandi aðila að geta kynnt sér nákvæmlega .það verklag ,sem viðhaft var við undirbúning yfirlýsingarinnar,svo hún njóti trúverðugleika allra sem hlut eiga að máli. Hér er ekki verið að væna ritarann um neinn óheiðarleika,heldur sjálfsagða skýringu á atburðarrás þessa  gjörnings.

Styðja dómsmálaráðherra

Veikja bankarnir krónuna fyrir hvert ársfjórðungslegt uppgjör til að sýna aukinn hagnað ?

Krónan veltur stjórnlaus áfram, fáir hafa tiltrú á henni lengur og þjóðin tapar tugmiljörðum kr. mánaðarlega á veikingu hennar,enda veldur krónan stærstum hluta verðbólgunnar í dag.

Aðilar vinnumarkaðarins,bankar og atvinnufyrirtæki landsins eru allir samstíga um að við verðum að skipta um gjaldmiðil.Hins vegar eru tveir af valdamestu mönnum þjóðarinnar,forsætisráðhr.og víðfrægur Seðlabankastjóri,sem ríghalda í krónuna með hæstu stýrivexti Evrópu  og hafa ekki lagt neina aðgerðaráætlun í efnahagsmálum fyrir þjóðina.Öll þjóðin er búin að bíða mánuðum saman eftir að allir viðkomandi aðilar setjist saman að samningsborði og geri þjóðarsátt.Forsætisráðhr.segir alltaf sömu setninguna: "það er verið að vinna í þessum málum." Seðlabankastjóri ávarpar þjóðina með dæmalausu skítkasti,hann virðist ekki ganga heill til skógar.Þjóðin er í dæmalausri pattstöðu meðan Samfylkingin stendur aðgerðarlaus á hliðarlínunni meðan formaðurinn er á þeysireið vítt um heim að afla þjóðinni fylgis við inngöngu í Öryggiaráð SÞ.

Þegar svona lengi og hart er gengið að kjörum og lífsafkomu þjóðarinnar má búast við að þetta stjórnleysi leiði til sterkra mótaðgerða,sem hin úrræðalausa ríkisstjórn ræður engan veginn við.Ýmsar blikur eru nú þegar á lofti m.a.í komandi launasamningum við BSRB og félaga innan ASÍ.Persónulega finnst  mér Sjálfstæðisfl.ekki lengur samstarfshæfur í ríkisstjórn og nú hafa aðgerðir dómsmálaráðhr.gegn lögreglustjóranum á Suðurnesjum fyllt endanlega mælirinn.

 

Það setur að manni nábít og böggul fyrir brjósti að hlusta á dómsmálaráðhr.

Ein af megin skýringum ráðherrans að auglýsa lögreglustjóraembættið til umsóknar á Suðurnesjum er að þrískipta embættinu,það komi þá undir fjármála - samgöngu - og dómsmálaráðuneytið.Áður eða allt frá því að varnarsamningurinn var gerður við Bandaríkin l950 kom öll starfsemi á Keflav.flugv.og öðrum varnarsvæðum undir utanríkisráðneytið og var Þannig allt til þess tíma að varnarliðið fór af landi brott.Jóhann R.Benediktsson gegndi síðan sýslumannsembætti á flugvellinum,þar til embættið  sameinaðist löggæslunni í Suðurnesjum,þá var hann skipaður lögreglustjóri.

Dómsmálaráðhr.hefur ítrekað talað um fjármálaóreiðu hjá lögreglustjóraembættinu á Suðurnesjum ,án þess að tilgreina sérstaklega í hverju hún var fólgin.Hann hefur hins vegar ekki  tilgreint neina fjármálaóreiðu hjá  Ríkislögreglustjóraembættinu þó það  hafi  sexfaldað reksturkosnað sinn á 5 árum.

Hvernig ætlar dómsmálaráðhr.að spara fjármuni með því að þrískipta embættinu?Reglan er almennt sú að fækka embættum til að spara fjármuni. Þetta virðist hins vegar gert undir því yfirskyni að losna við Jóhann.Þetta er kallað að ranghverfa málefnum og blekkja fólk.Það er afar slæmt þegar menn halda fram skoðunum gegn betri vitund.

Sjálfstæðisfl.hefur allt frá 1950 reynt að gera landið að einu lögsagnarumdæmi

Fyrst var það í tíð Sigurjóns Sigurðssonar  lögreglustjóra í Reykjavík,að unnið var leynt að því undir forustu nokkra  Sjálfstæðisflokksmanna,að gera landið að einu lögsagnarumdæmi.Átti Sigurjón að verða lögreglustjórinn yfir öllu Íslandi.Mér var kunngt um þessar umræður og það skipulag sem átti að viðhafa til að ná þessu marki.Framsóknar - og Alþýðufl.stóðu eindregið gegn þessum áformum,þeir vildu halda völdum sýslumanna á landsvísu.Áform Sjálfstæðisfl.náðu því ekki fram,en ýms hrossakaup voru viðhöfð milli Framsóknar - og Sjáfstæðisfl.um skipan í æðstu embætti innan löggæslu og dómsmála áratugum saman.

Það má segja að næsta atrenna Sjálfstæðisfl.á þessum vettvangi hafi verið gerð með skipan Ríkislögreglustjóraembættisins,sem fer nú með æðstu skipan ýmissa sérsviða lögreglunnar,en hefur þó ekki beint boðsvald yfir lögreglustjórum,en getur fengið það samk.ráðherradómi.Unnið er stöðugt að fækkun lögsagnaumdæma og virðist það ætlun núverandi dómsmálaráðhr.eins og föður hans á sínum tíma að gera landið að einu lögsagnarumdæmi.Nú er það ríkislögreglustj.undir forustu dómsmálaráðhr.sem stendur fyrir þessari breytingu.

Að mínu mati má þetta ekki gerast,hér er höggvið að rótum lýðræðisins,að sami flokkur geti stjórnsýslulega ráðið ferðinni í löggæslumálum og ráðið jafnframt sína flokksmenn í allar helstu ábyrgðarstöður þ.m.Hæstarétt.Þessar aðgerðir Björns Bjarnasonar hafa gengið fljótt fyrir sig með fulltingi flokksbræðra sinna og Ríkislögreglustjóra.Sú andstaða sem lögreglustjórinn í  Reykjavík og á Suðurnesjum hafa sýnt gegn þessum yfirgangi  dómsmálaráðhr.er lofsverð .Þeir hafa bent á veigamiklar breytingar,sem gera þarf á skipulagi löggæslunnar einkanlega þó Ríkislögreglustjóraembættinu.til að ná fram virkari nýtingu og betri árangri hinna ýmsu starfsgreina lögreglunnar.Samfylkingin ásamt flokkum stjórnarandstöðunnar eiga að' fylkja liði með aðgerðaráætlun lögreglustjóranna Stefáns og Jóhanns að leiðarljósi og jafnfram að sett verði ný löggjöf um  starfsemi Ríkislögreglustjóraembættisins,sem hefur sexfaldast frá 1998  - 2005 á meðan hin almenna löggæsla hefur bara tvöfaldast frá 1997 - 2006 samkvæmt stjórnsýsluútekt  Ríkisendurskoðunar.

Það mikla stjórnskipulega vald sem dómsmálaráðhr.hefur nú á að takmarka og skilgreina  betur en nú er gert í lögum.Við erum herlaus þjóð og verðum því að leggja allt okkar traust á lögregluna ef upp koma stórfeld vandamál hér innanlands,sem flokkast undir innanríkismál.Þá situr okkar eina lögboðna yfirvald Björn Bjarnason,dómsmálaráðhr.í stjórnklefanum með völdu liði flokksbræðra sinna og stýrir aðgerðum.Slíkar stjórnunaraðgerðir hugnast okkur ekki,enda eiga þær litla sem enga samleið með lýðræðisríkjum.

Hef skömm og fyrirlitningu á lýðskrumunum,sem gera aðför að krónunni sagði Davíð Oddsson.

Þeir sem ekki hafa tiltrú lengur á krónunni eru að mati Seðlabankastj.lýðskrumarar sem hann hafi skömm og fyrirlitningu á.Þetta kom fram í viðtali við Davíð í ríkisstjónvarpinu í kvöld.

Þannig ávarpar Davíð Oddsson meirihluta þjóðarinnar,sem hefur í skoðanakönnunum staðfest,að hún vilji fá traustan gjaldmiðil eins og evruna..Þá hafa m.a.aðilar vinnumarkaðarins,fyrirtæki og bankar marg ítrekað að krónan sé ekki lengur nothæfur gjaldmiðill.Sem betur fer tekur þjóðin harla lítið mark á svona ummælum,þau sanna aðeins hvaða mann Seðlabankastjóri hefur að geyma.

Þjóðin getur dregið ýmsa lærdóma af svona ummælum.Það virðist þurfa mikla ósvífni og reyndar einfeldni líka að viðhafa svona orð. Á hvaða vegferð er þjóðin með svona skipstjóra í brúnni ?