Öll dagblöðin undir hæl íhaldsins.Þarf Jóhannes í Bónus á íhaldinu að halda?

Hvernig á lýðræði að þróast á dagblaðamarkaðnum þegar einn og sami stjórnmálaflokkurinn ræður þar ríkjum.Morgunblaðið er útgefið  af  Árvaki h.f.en Blaðið af útgáfufélaginu Ár og Dagur.Eigendur og stjórnendur þessa blaða er allir kunnir sjálfstæðismenn.

Ritstjóri Fréttablaðsins er Þorsteinn Pálsson,fyrrv.formaður og ráðherra Sjálfstæðisfl.Áður en hann settist í sæti ritstjóra heldu sjálfsagt  flestir lesendur blaðsins að það væri  frjálst og óháð og fögnuðu komu þess.Sumir töldu á þessum tíma að aðaleigendur Fréttablaðsins Baugur, væru andvígir Sjálfstæðisfl.vegna afskipta þeirra af upphafi meintrar sakarannsóknar á hendur fyrirtækinu.Margir fögnuðu því að Fréttablaðið gæti orðið verðugur keppinautur við Morgunblaðið,ekki einungis á sviði auglýsinga, einnig varðandi stjórnmálaumræðuna í landinu.Að Dagblaðinu höfðu flestir aðgang enda blaðið gefið út sem frjálst og óháð,en fyrir kosningar réði þó íhaldið þar einnig ríkjum,enda eigendur blaðsins á þeirra meiði.Nú er Dagblaðið orðið helgarblað sem litlu sinnir stjórmálaumræðunni.

                                            Þarf Jóhannes í Bónus á íhaldinu að halda?

Þegar Davíð Oddsson,fyrrv.form. - og forsætisætisráðhr.Sjálfstæðisfl.hætti og fór í Seðalbankann virtist Baugur taka flokkinn aftur í sátt og gerði Þorstein Pálsson að ritstj.Fréttablaðsins. Hefur hann notað aðstöðu sína óspart gegn stjórnarandstöðufl.en lofað íhaldið bak og fyrir.Það kom flestum á óvart að Fréttablaðið myndi kasta sér svo skyndilega í faðm íhaldsins og er reyndar afar óskynsamlegt varðandi aðaltekjulind blaðsins auglýsingar.Þá munu hugsanlega   verslanir Baugsveldisins   bera viðskiptalegt  tjón af þessum pólutísku umskiptum.Baugur hefur haft mjög sterka viðskiptavild við almenning í landinu og notið góðvildar almennings.  

                                              Kristján Pétursson

      

Hvað varð um framkvæmdasjóð aldraðra?

Eins og kunnugt er voru sett lög um framkvæmdasjóð aldraðra fyrir 25.árum.Skattur var lagður á alla að 70.ára (með árslaun yfir 900 þús.kr.á ári)  aldri til uppbyggingar hjúkrunarheimilum,sem eru núna rúmar 6.000 kr.á ári.Hvað varð um alla þá fjármuni sem greiddir voru í sjóðinn og standa áttu  undir nægu hjúkrunarrými fyrir aldraða?Þarft verk væri að fá ríkisendurskoðun til að staðfesta hvað af þessum fjármunum varð sem greiddir hafa verið til framkvæmdasjóðs til nýbygginga hjúkrunarrýma eins og lögin um framkvæmdasjóð gerðu ráð fyrir.Vitað er að um helmingur sjóðsins hefur farið í rekstur og viðhalds stofnana fyrir aldraða í stað þess að renna til nýbygginga.Enn er haldið áfram á sömu braut í fjárlagafrumvarpinu fyrir árið 2007 að draga fé út úr sjóðnum  til annara verkefnaliða en nýbyggina.Að fjármálayfirvöld skuli geta sniðgengið lög og reglur framkvæmdasjóðs aldraðra með umræddum hætti er á ábyrgð ríkisstjórnar og rétt og skylt að ríkisendurskoðun fjalli einnig um þann þátt málsins.

Ætla má með vöxtum og verðbótum hafi fjármálayfirvöld  tekið úr framkvæmdasjóði aldraðra a.m.k.6.miljarðar sem hefði að mestu  nægt til uppbyggingar hundruðum hjúkrunarheimila í landinu.Landsmenn hafa verið samstíga að greiða í framkvæmdasjóð aldraða til að búa þeim og sjúkum mannsæmandi líf.Látum ekki ríkisstjórnina enn og aftur troða á mannréttingum okkar,hún hefur nóg að gert í launa - og kjarmálum aldraðra og öryrkja.Í vor höfum við tækifæri að fella þessa spilltu og vanhæfu ríkisstjórn,sýnum henni í verki að aldraðir eiga allir samleið ,dug og kjark til að finna fullnðarsigur í þessum málum.                                                   

                                                                       Kristján Pétursson

Vatn flæðir um l6.íbúðablokkir á Keflav.flugv.v/frostskemmda.Hver ber ábyrgð á hundruð milljóna tjóni.

Svo virðist sem  ekkert eftirlit sé með þessum íbúðarhverfum eftir að varnarliðið fór.Í langvinnum frosthörkum var þó ærin ástæða að kanna um lagnakerfi húsanna.Utanríkisráðhr.f.h.ríkissjóðs ber alla ábyrgð á  eignum innan varnarsvæðanna og því tjóni sem þarna hefur orðið.Mál þetta er þess eðlis að opinber rannsókn þarf að fara fram til að upplýsa hvaða ástæður lágu til grundvallar umræ-ddu tjóni.Hverjum hafði Valgerður Sverrisd.utanríkisráðhr. falið daglega umsjón með eignum á varnarsvæðunum?Hvar brást eftirlitið eða var það ekki til staðar?Þessum spurningum verður ráðhr.að svara áður en tjóninu verður velt á almenning í landinu.Réttast væri að tjónið yrði dregið frá fjárveitingum til utanríkisráðuneytisins og ráðherrann látinn sæta ábyrgð.

Svona mál verða aðeins til þegar ábyrgðar - og kæruleysi fer saman.Ríkisstjórnin hefur nýskipað nefnd flokksbræðra sinna til að móta stefnu um framtíðarskipulag og verkefni á Keflav.flugv.Enn og aftur eru þessir flokkar sestir við kjötkatlana til helmingaskipta á verðmætum á flugvellinum.Af hverju  afhenti  ekki ríkisstjórnin sveitafélögunum á Suðurnesjum strax eftir brottför hersins varnarsvæðið utan sem innan Keflav.flugv.Þá hefði örugglega ekki komið til þessa mikla tjóns.Ekkert heyrist um skipulagðar rannsóknir á hinum stóru mengunarsvæðum flugvallarins,sem ætti þó að sitja í fyrirrúmi v/framtíðarskipulags svæðisins.Þær rannsóknir kunna að kosta miljarða.   

Kristján Pétursson

Geta afbrotamenn (sbr.Árni Johnsen) sem afplánað hafa þunga refsidóma setið á Alþingi Íslendinga.

Nú er það enn að gerast hjá Sjálfstæðisfl.að maður sem hefur afplánað 2.ára fangelsisdóm fer í framboð fyrir flokkinn til alþingiskosninga.Fleiri þingmenn flokksins hafa einnig hlotið fangelsisdóma áður en farið samt í framboð og setið á þingi.Það eykur ekki traust né virðingu á alþingi  að sjálft löggjafarþingið,sem setur lög fyrir dóms - og framkvæmdavaldið sé með þingmenn innanborðs sem hafa að yfirlögðu ráði unnið til alvarlegra afbrota.Þó svo að menn uppfylli skilyrði til sakaruppgjafar,sem oft er þó umdeilt ætti það ekki af siðferðislegum ástæðum að heimila mönnum þingsetu.

Það verður fróðlegt að sjá hvernig Sjálfstæðisfl.muni endanlega afgreiða framboðsmál Árna Johnsen sem nú talar um mál sitt sem tæknileg mistök,hvernig sem á nú að heimfæra það miðað við þau afbrot sem hann hlaut dóm fyrir.( var kannski notaður klaufhamar í stað naglbítar  var viðmælenda mínum að orði þegar hann heyrði þetta)Árni er orðhagur maður og hefur þarna kannski skapað  nýtt sjónarhorn á afbrotalýsingu.Það er athyglisvert að til löggæslumanna eru gerðar  kröfur um hreint sakarvottorð,en ekki alþingismanna sem bera þó ábyrgð á setningu laga,en lögreglunnar á framkvæmd þeirra.Væri ekki eðlilegt að þarna væri jafnræði á.  

Það er ekki aðeins að kjósendur bíði eftir afstöðu Sjálfstæðisfl.í málinu heldur líka alþingis.Þetta er löggjafarvaldinu og lýðræðinu til skammar. 

 

Tillaga um breytingar á öryggismálum Almannavarna - Landhelgisgæslu - Radsjárstofnunar

Aðalstöðvar Almannavarna Íslands verði staðsettar á Keflavíkurflugv.Undir stjórn Almannavarna komi öryggismál, Landhelgisgæslan og Radsjárstofnun,sem verði einnig með sínar bækistöðvar á Keflav.flugv.Almannavarnir sé sjálfstæð stofnun,sem fær sitt lögboðna umboð og valdsvið frá löggjafarvaldinu eins og ríkisendurskoðun.Öll öryggismál komi undir valdsvið Almannavarna,er tekur til yfirstjórnunar s.s.jarðskjálfta,eldgosa,flóða og annara náttúruhamfara.Hinar velþjálfuðu sveitir hinna ýmsu hjálparstofnana myndu þar gegna veigumiklu hlutverki og verða hluti af launuðu starfsliði Almannavarna.

Þá hafi Almannavarnir yfir að ráða fjölmennum sérhæfðum sveitum öryggisvarða,sem hægt er að beita gegn  hvers konar hryðjuverkum og hafa hemil á ofbeldisaðgerðum mótmælenda  m.a.vegna alþjóðlegra ráðstefnuhalda.Allar slíkar aðgerðir  skulu framkvæmdar í samráði við yfirstjórn löggæslunnar.

Starfsmannafjöldi einstakra starfsdeilda stofnunarinnar yrði ákvarðaður samkvæmt tilskipun og mati yfirstjórnar Almannavarnar.Verknám og þjálfun öryggissveita sé leitað hjá þeim ríkjum sem best falla að okkar umhverfi  og aðstæðum.

Þessar tillögur beinast líka að skapa jafnvægi um völd þessa málaflokka,sem eru nú í höndum Ríkislögreglustjóra og dómsmálaráðhr.Það er hluti af lýðræðinu að eðlileg valddreifing ríki um stjórnsýslu löggæslunnar í landinu.Efling löggæslunnar varðandi fíkniefna - og umferðarmál er löngu tímabært,en fjölgun lögreglumanna til að gegna öryggismálum undir stjórn Ríkislögreglustj.er ekki  rétta leiðin.Sjálfstæð stofnun Almannavarna sem fær lögboðið sitt vald beint frá alþingi er lýðræðinu samboðin varðandi varnarmál þjóðarinnar.

                                                                          Kristján Pétursson

Mál innflytjenda varðar hagsmuni allra Íslendinga.

Umræðan undanfarna daga um afskipti stjórnvalda af innflytjendum,sem búa hér í lengri eða skemmri  tíma er óábyrg og raunar heimsuleg á margan hátt.Þeir sem vilja frjálst innstreymi útlendinga hingað, hafa ekki lagt fram neinar skipulagðar langtíma áætlanir varandi hámarkstölur innflytjenda né viðmiðanir varðandi atvinnu og húsnæði fyrir þetta fólk.Komi hingað tugþúsundir manna næstu árin þá höfum við ekki möguleika að skipuleggja nauðsynlegustu þjónustu þeim til handa,bæði er tekur til heilbrigðismála og almennar menntunar.Það er ekki heiðarlegt né skynsamlegt af þeim sem vilja hömlulaust innstreymi innflytjenda að kalla okkur hina rasista sem viljum takmarka fjöldann og skipuleggja komu og velferð þeirra.Það er lífsnauðsynlegt að sjórnvöld hér kynni sér þessi mál hjá nágrannaþjóðum okkar í Evrópu.Hér er um mjög margslungna málaflokka að ræða,sem við verðum að taka á af þekkingu en ekki innantómum slagorðum,sem gætu hreinlega orðið til þess að mynda  virkar mótmælahreyfingar gegn vissum trúar - og þjóðernishópum.Við verðum að vera ávallt þess minnug að við erum aðeins 300.þúsund  manns þegar við  ákveðum fjölda innflytenda.

Ég vil leggja fram þá tillögu til alþingismanna að allir innflytjendur,sem hyggja á búsetu hér á landi  verði strax við komu sína að fara í a.m.k.3 - 4 mánaðar skóla til að læra íslensku og fá þekkingu um land og þjóð,atvinnu  og almenn réttindi þeim til handa.Innflytjendum séu greidd laun frá ríkinu á meðan skólavist stendur.Framhaldsmenntun í íslensku standi þeim til boða en þá á eigin kosnað eða vinnuveitenda.Ljóst er að slíkur skóli þarf að  hafa mikið  rými fyrir alla nýbúa sem hingað koma og kennara til að höndla hin fjölþjóðlegu tungumál.

Það er ekki æskilegt að hingað komi innflytjendur frá þeim löndum múslíma sem heimila hryðjuverkamönnum að athafna sig innan sinna landamæra og gera kröfu um að sjaria lög gildi.Ekki viljum við að hér byggi fjölmennur hópur fólks,sem vildu hafa hér sín eigin lög,sem þeir teldu æðri íslenskum lögum og reglugerðum.Við hljótum að gera hliðstæðar aðgerðir og aðrar Evrópuþjóðir gagnvart innkomu slíkra manna hingað til lands. 

                                               Kristján Péturssson

 

Árangursríkar aðgerðir gegn fíkniefnaglæpum.

Fíkniefnin flæða inn í landið þrátt fyrir aðgerðir löggæslunnar.Skipulag þeirra sem flytja inn efnin,dreifa þeim  og fjármagna er komið á slíkt hættustig,að ekki verður lengur hjá því komist að endurskipuleggja og efla nánast allar rannsóknaraðgerðir löggæslunnar á sama tíma verði allar forvarnir virkar,en þá verða líka allir viðkomandi aðilar að sameinast  og sýna dug og kjark í stað þess að vera hræddir áhorfendur og bíða þess sem að höndum ber.Fjárfrek langtíma rannsóknar verkefni bíða löggæslunnar bæði er lýtur að dreifingu fíkniefna innanlands og innflutningsleiðum erlendis frá.Slíkar aðgerðir krefjast stóraukins mannafla sérhæfðra lögreglumanna,sem kostar mikla fjármuni.Við eigum í höggi við skipulagða fjölmenna hópa stórgæpamanna,sem hefur tekist að skipuleggja dreifingu í nánast öllum hverfum á stór-Reykjavíkursvæðinu og byggðalaga á landsbyggðinni.Foreldrar barna á grunnskólaaldri eru óttasleginn um að dreifiaðilar fíkniefna séu að skipuleggja sölukerfi innan skólanna.Erlendir aðilar eru alltaf í ríkari mæli að koma að innflutningi efnanna,sem bendir eindregið til að mafían hafi augastað á Íslandi einkanlega vegna hins háa verðlags fíkniefna hér á landi.Við verðum að tryggja að lög og reglur í landinu torveldi ekki rannsóknaraðilum skilvirkni í starfi og allar starfsreglur séu skýrar og afdráttarlausar.Ef stjórnvöld og löggæslan standa þétt saman,þá má ætla að þjóðin fylki sér að baki þeim.Fíkniefnaneyslan er háskabál sem við verðum að stöðva.Ég varaði þjóðina l970  ítreklað við þeim hættum og afleiðingum sem myndu skapast við fíkniefnaneyslu ef ekki yrði strax brugðist við.Því miður náðu ekki aðvaranir mínar til viðkomandi stjórnvalda og löggjafarvaldið dróg lappirnar.Nú er ekki lengur hægt að skjóta sér undan ábyrgð,það er aðeins ein leið framundan það er alvöru stríð við þessa gæpamenn.       Kristján Pétursson,fyrrv.deildarstj.      

 

Rasismi

                                               

Nokkrar umræður hafa verið um þjóðernismál undanfarið m.a.vegna aukins fjölda erlendra starfsmanna,sem að vinna hér tímabundið við ýmiskonar störf einnig innflytjendur frá ýmsum löndum,sem ýmist erum orðnir ísl.ríkisborgarar eða hafa hér dvalarleyfi.

Alls munu hér um að ræða  tugþúsindir manna og ætla má að þeim fjölgi ört á komandi árum ef viðverandi atvinnuástand helst óbreytt.

Hér er um mjög viðkvæm - og vandmeðfarin mál að ræða einkanlega þegar smáþjóð á hlut að máli.Þjóðernislegur metnaður Íslendinga er mikill,við erum stoltir af sögu og þjóðerni okkar um aldaraðir,stoltir af eigin tungumáli,menningu,vísindum og framþóun.Sé visað til frásagnar Jóns J.Aðils (íslenskt þjóðerni).Þar er m.a.rætt um að Ísl.séu af tveim kynþáttum,Keltum sem bjuggu yfir andlegu fjöri, hugviti og snilld og hins vegar djúpskyggni,staðfestu og viljaþreki norrænna manna,sem fæddi af sér þjóðlíf,sem varla átti sinn líkan í sögunni.Þeir sem bera svo ríkar þjóðerniskenndir vilja varðveita séreinkenni þjóðarinnar og telja jafnframt að þúsundir erlendra innflytjenda á hverju ári af ólíkum þjóðernum myndu umbreyta í tímans rás okkar þjóðfélagi.Talsmönnum þessa sjónarmiða virðist fjölga og hinir þöglu  jábræður þeirra býða færis.

Enn eru hin þjóðernislegu gildi,sem við vorum alin upp við á undanhaldi eða að breytast  í hinum tæknivædda heimi?Tölvutæknin leidd af ungu vel menntuðu fólki nær til alls heimsins.Nú geta menn lesið á netinu allt milli himins og jarðar,kynnst menningu, listum,vísindum, atvinnuháttum,lífsafkomu o.fl.fjarlægðra þjóða..Ætti ekki þessi  alþjóðlegi þekkingabrunnur  á heimsmyndinni að geta m.a. dregið úr rasisma og stuðlað að betra sambýli ólíkra þjóðerna.?Skilyrði friðar, kærleika og umburðarlyndis á sinn kristilega farveg,þar sem illvilja og heiftúð er hægt að breyta í víðtæka mannúð.

Þar er aflgjafinn til að umskapa frið og eyða ósætti og hatri.

                                                       Innflytjendur.

                                             

Ólík menning og trúarbrögð tugþúsunda innflytjenda til Íslands munu alltaf skarast við menningu og hefðir okkar,enda trúlega ekki ætlun neins að innflytendur verði að afneita mikilsvægum lífsgildum fyrir að gerast ísl.ríkisborgarar.Rasistar hafa náð fótfestu í öllum vestrænum ríkjum.enda auðvelt að kynda undir þjóðernistilfinningum eins og sagan kennir okkur.Þó svo að hvert sjálfstætt ríki sé skilgreint eign þjóðar sinnar,er heimurinn sameign allra jarðarbúa.Landamæri skilja aðeins að lönd en ekki fólk.Það þarf að rækta góðvilja og mannúð við innflytjendur og koma í veg fyrir að skortur á málakunnáttu og samfélagsþekkingu  torveldi eðlileg samskipti.

Eins og kunnugt er erlendis frá valda rasistar oft blóðugum átökum,eignatjóni og hvers konar einelti við ýmsa minnihlutahópa af erlendum uppruna.Við þessu þarf að bregðast strax,við vitum að undir

krumar,það þarf litið til að tendra stórt bál.Ísl.stjórnvöld ættu samt sem áður

að takmarka skipulega fjölda innflytjenda,til að tryggja sem best lífsafkomu þeirra.

                                                 Góðu jafnvægi

 Atvinnuheimildir  til útlendinga verða að vera í góðu jafnvægi við þarfir atvinnuveganna og draga jafnframt úr spennu á vinnumarkaði.Offramboð erlends vinnuafl einkanlega í láglaunastörf  er nú þegar farið að hafa áhrif til launalækkunar,stéttarfélög verða að vera vel meðvituð um þessa þróun.Hún hefur líka reynst mörgum V-Evrópuþjóðum dýrkeypt reynsla bæði er tekur til  ólíkra menningaheima,sem erfitt er að samhæfa menningu og þjóðernislegum gildum.Þá hljótum við að skoða vel hvers konar fjölþjóðasamfélag við viljum  búa við í framtíðinni.Þrú hundruð þúsunda þjóðfélag er viðkvæmt fyrir þúsundum erlendra innflytjenda árlega eins og verið hefur undanfarin ár.Dæmi um þessi áhrif má m.a.sjá í skýrslum

um afplánun erlendra fanga sem eru um 33% í ísl.fangelsum.

                               Kristján Péturssob,fyrrv.deildarstj.                            

                                                                

                            

                                                                

 

Leyniþjónusta - símahleranir o.fl.

  

Skömmu eftir að varnarsamningurinn var gerður óskuðu þar til bær bandarísk yfirvöld að sett væri á stofn íslensk leyniþjónusta,sem þeir gætu treyst og átt beint samband við.

Svo virðist sem sendiherra Bandaríkjanna hafi komið á leynilegu sambandi við Bjarna Benidiktsson þáverandi utanríkisráðhr. og óskað eftir beinum  tengilið við rannsóknardeild hersins og FBI. Bjarni mun hafa falið Baldri Möller ráðuneytisstj. í dómsmálaráðuneytinu,Sigurjóni Sigurðssyni,lögr.stj.í Reykjavík  og hann fól yfirmanni útlendingaeftirlitsins Árna Sigurjónssyni daglega umsjón  og stjórnun  leyniþjónustunnar.Nokkrir lögreglumenn voru færðir yfir í deild útlendingaeftirlitsins til að sjá um þau störf,sem flokkast undir leyniþjónustu - og öryggisstörf  vegna þess ástands sem þá ríkti v/kalda stríðsins.Þá voru ákveðnir lykilmenn í almennu – og rannsóknarlögreglunni nýttir til  ákveðinna leyniþjónustustarfa .Mikil leynd hvíldi yfir störfum rannsóknaraðila bæði er tók til samvinnu við bandarísku leyniþjónustunna og aðgerða gegn svonefndum austantjaldsríkjum.

 

                   Eftirlit  og aðgerðir gegn njósnum sovétríkjanna. 

Eftirlit með rússneskum njósnurum og sambönd þeirra við grunsamlega innlenda aðila var afar tímaverkt og vandmeðfarið,enda unnið að verulegu leiti í samráði við bandarísku leyniþjónustuna Allur tæknibúnaður var fenginn frá USA,s.s sjónaukar,fjardrægar myndavélar,stefnuupptakarar, upptökutæki o.fl.Þá komu hingað  til lands sérhæfar tæknideildir frá leyniþjónustu Bandaríkjanna til að rannsaka fjarskipta- og  upptökustarfsemi sovétríkjanna hérlendis,enda  þá vitað  að þeir höfðu komið sér upp sértækum upptöku – og fjarskiptabúnaði í sendiráðinu,sem reyndist þeim auðveld leið inn í íslenska símakerfið sem var allt ofanjarðar og óvarið.

Fylgst var með óeðlilega miklu umfangi af diplómata pósti og frakt til rússneska sendiráðsins,sem var ekki í neinu samræmi við reglur Vínarsáttmálans frá l972  um meðferð slíkra flutninga.Bandarískir leyniþjónustu menn höfðu oft gert athugasemdir við umrædda flutninga,en viðskiptahagsmunir Íslendinga á þeim tíma á sölu fiskafurða til Rússlands fyrir eldsneyti v/þorskastríðsins virtist koma í veg fyrir aðgerðir af hálfu viðkomandi yfirvalda hérlendis Vitað var um mikinn fjölda rússneskra njósnara sem hingað komu á

fölskum nöfnum skráðir sem starfsm.sendiráðsins eða viðskiptaftr. en bandaríska leyniþjónustan  hafði  oft haldgóðar upplýsingar um rétt heiti  fjölda þeirra,sem auðveldaði ísl. leyniþjónustu eftirför þeirra.

 Víðtæku eftirliti var beitt af bandarísku leyniþjónustunni til að afla upplýsinga um starfsemi rússnesku njósnarana og tengiliða þeirra. og upptökum beitt með aðstoð íslenskra þýðenda.   Beintengdar upptökur símahlerana við Landssímann sem fram fóru á lögreglustöðinni við Hverfisgötu og teknar voru fyrst upp á stálþráð og síðan segulbönd fóru fram á ábyrgð lögreglustj.í Reykjavík(upplýsa þarf hvaða gögnum var eytt og hver sá um framkvæmd þess).Heimildir á rannsóknum er varðar  þjóðaröryggi  lýtur allt öðrum og víðtækari reglum hervelda  um uppljóstrunar aðgerðir en hér tíðkast Hvort viðkomandi ísl.stjórnvöld hafi farið út fyrir þær lagaheimildir sem gilda um uppljóstrunaraðferðir samk.ísl.lögum þarf að rannsaka til hlýtar til að eyða allri óvissu þar um.

 

                                                          Ábyrg leyniþjónusta 

 Lögboðin öryggis – og leyniþjónusta þarf að vera hér til staðar eins og hjá öðrum fullvalda ríkjum Það hefur  valdið þjóðinni ýmsum vandkvæðum í framkvæmd löggæslumála og samskipta við erlendar leyniþjónustur að vera með ein hver skonar feluleika  starfsemi í þessum málaflokki af pólutískum ástæðum. .Tillögur núverandi dómsmálaráðhr.um öryggis – og leyniþjónustu  virðist skorta  skipulag, sjáfstæði og frumkvæði til að gegna sínu hlutverki á skilvirkan hátt,er reyndar eins konar viðhengi við embætti ríkislögreglustj.Hér þarf að sýna kjark og dug til að ná settu marki. Svo virðist sem ákveðnir forustumenn innan Sjálfstæðisfl. hafi náð því markmiði að koma sínum flokkbræðrum í nánast öll helstu stjórnsýslustörf innan  löggæslunnar í landinu.Það er lýðræðinu hættulegt eins og nú er háttað  að einn og sami stjórnmálafl.geti að stærstum hluta farið með löggjafar-framkvæmda og dómsvaldið.Upphaf og málsmeðferð Baugsmálsins er dæmigert um slíka þróun.

 

                                                      Heiðarleiki –trúnaðarheit.

 

 Mjög erfitt er að upplýsa svona mál sem varða trúnaðarheit sem menn gangast undir við starfsráðningu sbr.löggæslumenn,starfsmanna Landsímans o.fl.

Við uppljóstrun og rannsóknir  sakamála þarf að sanna jöfnum höndum sök eða sýknu.Oft verða löggæslumenn að láta mál niður falla v/persónulegrar trúnaðarheita þeirra sem hlut eiga að máli.Mér barst fjöldi bréfa og upphringingar um sakamál frá fólki sem ekki vildi láta nafn síns getið, einnig fjöldi manna sem sagði til nafns,en taldi sig ekki vegna starfs

eða persónulegra tengsla  geta staðfest frásögn sína í lögregluskýrslu eða fyrir dómi.Ég brást aldrei trúnaði við upplýsingaaðila,það er sú skylda sem ávallt hvílir á heiðarlegum löggæslumanni sem og öllum öðrum.Vitanlega verða menn að kunna að meta hvort viðkomandi frásögn er aðeins sett fram til að vinna tjón á mannorði annara,eða hvort heiðarlegur ásetningur liggur til grundvallar.

 

                                                          Símahleranir.

 

Ég varð að búa við það á sínu tíma að síminn hjá mér var oft og langtímum saman hleraður af ógreindum gerendum og farið ítrekað inn á heimili mitt og rótað til í skjölum(ég veit hverjir áttu þar hlut að máli) .Ennfremur var fylgst með mér persónulega og m.a.veitt eftirför á þeim tíma,sem Ólafur Jóhannesson var dómsmálaráðhr.og mikil átök voru milli hans og okkar Vilmundar Gylfasonar,Halldórs Halldórssonar blm. o.fl.Mér barst vitneskja um þessar hleranir frá aðilum sem vildu leggja mér lið ,frá þeim  greini ég aldrei fremur en öðrum þeim upplýsingaaðilum sem  hafa veitt mér ómetanlega aðstoð við uppljóstrun sakamála.Fyrning skiptir engu máli í þessum tilvikum.

.Ég held að það sé löggjafarvaldinu holt að skoða vel alla forsögu þessara mála áður en leyniþjónusta verður stofnuð.Undirlægjuháttur og taumlaus fylgisspekt einkenndi þá Íslendinga sem voru þátttakendur rísaveldanna í þessum hildarleik.Það væri þarft verk að skrá það á spjöld sögunnar,en láta þessi meintu “trúnðarbrot”símahlerana lönd og leið.

 

                             Kristján Pétursson,fyrrv.deildarstj

     

 

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.