Hestaníðingur í beinni útsendingu sjónvarps -sýndi fúlmennsku og grimmdarverk.

Sjálfsagt hafa allir orðið sárir og öskureiðir að horfa upp á aðfarir níðingsins við hestinn á myndbandinu í sjónvarpinu .Ef satt reynist ,að lögregluyfirvöld ætli ekki að refsa níðingnum fyrir ódæðið,þá verður þjóðin að krefja lögregluna svara um ástæður þess.Ég tel að nafn - og myndbirting af níðingnum sé réttlætanleg og vona að fjölmiðlar séu mér sammála í þeim efnum.

Ég trúi ekki,sem fyrrv.löggæslumaður,að viðurlögum um níðingsverk á dýrum verði ekki framfylgt í þessu máli.Almenningsálitið myndi harðlega fordæma lögreglu - og dómsyfirvöld ef þau sinntu ekki lögboðinni  embættisskyldu  í málinu.Vonandi gefur lögreglan yfirlýsingu í málinu sem allra fyrst,svo fólk þurfi ekki að velkjast í vafa um niðurstöðu þess.

Athugasemdir

[Eva Hauksdottir (IP-tala skráð) 21.8.2007 kl. 18:11]

Reyndar ekki í beinni, án þess að það skipti þó höfuðmáli. Lögregla er búin að gefa yfirlýsingu, þetta verður ekki kært og það er einfaldlega niðurstaðan. Almenningsálitið mun, eins og venjulega, fordæma þetta í nokkra daga og gleyma því svo.

[Óskar Helgi Helgason (IP-tala skráð) 21.8.2007 kl. 21:51]

Heill og sæll, Kristján !

Þakka þér skelleggan texta. Hætt er við, því miður; að hin ágæta Eva Hauksdóttir hafi nokkuð til síns máls. Skil ekki, sinnuleysi þjóðar okkar, í ýmsum þeim málum, sem taka þarf á; sbr. þetta mál. Hvers eiga dýrin að gjalda ? Þvílík illska !

Með kveðju / Óskar Helgi Helgason 

[Guðrún Magnea Helgadóttir, 22.8.2007 kl. 17:17]

Ríkissksóknari virðist ekki hafa undan að vísa alvarlegum málum frá, Ofbeldið á hestinum sem við horfðum á í sjónvarpinu er eitt þessara frávísunarmála... Ef til vill hefur saksóknari fengið skipanir frá dómsmálaráðuneyti að vísa öllum málum frá rannsókn og ákæru sem hægt er að rökstyðja að séu ekki þess eðlis að geta verið lögsótt eða ólíklegt sé að sakamálin hljóti sakfellingu í meðferð dómstóla.

[Kristján Pétursson, 22.8.2007 kl. 21:15]

Þakka undirtektir ykkar í málinu.Staða ríkissaksóknara er afar slæm í þessu máli.Hann á að hafa frumkvæði,að opinberri rannsókn,það er embættisskylda hans.