Fyrirskipun dómsmálaráðhr.um þrískiptingu valds yfirstjórnar löggæslunnar í flugstöðinni eru alvarleg mistök.

Allt frá því Varnarsamningurinnn var gerður við Bandaríkin 1950 hefur lögreglustjóraembættið á Keflav.flugv.farið með yfirstjórn lögreglu og tollgæslu,en embættið hafði alla tíð á meðan varnarliðið var hér komið undir utanríkisráðuneytið.Eftir að varnarliðið fór voru sýslumannsembættin´á Suðurnesjum sameinuð í eitt embætti og Jóhann R.Benediktsson gerður að lögreglustjóra .

Samstarf milli lögreglu og tollgæslu á flugvellinum hefur alla tíð verið gott og árangusríkt.Hér er um að ræða lögreglu - og öryggisstörf ,tollgæslustörf,öryggisleit vegna brottfararfarþega og vegabréfaskoðun o.fl.Öll þessi löggæslustörf eru skipulögð í flugstöðinni samk.komu - og brottfararflugi til Keflav.flugv.Hér er um eitt heildar öryggis  -og skipulagskerfi að ræða,sem allir löggæslumenn taka þátt í að framkvæma með einum eða öðrum hætti.Yfirstjórnin verður að vera á einni hendi með samstillta liðsheild að baki svo hún virki fljótt og örugglega.Það er oftast ekki hægt að bíða eftir fyrirmælum,atburðirnir ske fyrirvaralaust og ákvarðatökur um aðgerðir á vettvangi verða að koma strax til framkvæmda.

Í skýrslu frá Ríkisendurskoðun á sínum tíma var lögð áhersla á að efla heildarstefnu um land all í fíkniefnamálum til nokkurra ára í tollamálum.Um allt land hefur verið samvinna lögreglu og tollgæslu,en fjárskortur hefur víða hamlað árangri.

Lögreglustjórinn Jóhann R.Benediktsson hefur sinnt sínum störfum af mikilli samviskusemi og sýnt færni,dug og þor þegar á þarf að halda.Starfsmenn embættissins eiga líka skilið miklar þakkir fyrir góð og árangusrík störf,sérstaklega er lýtur að fíkniefnamálum.Eins og fram hefur komið  í fréttum standa þeir þétt utan um sinn yfirmann,sem hefur látið að því liggja að hann og reyndar fleiri starfsmenn embættisins muni hætta störfum verði embættið látið koma undir þrjú ráðuneyti þ.e.fjármála -  samgöngu - og dómsmálaráðneytið.

Ég leyfi mér að skora á dómsmálaráðhr. að lýsa formlega yfir óbreyttu skipulagi og jafnframt að leggja til nægt fjármagn til reksturs embættinu.Við eigum alls staðar í landinu að efla löggæsluna,allt bendir til tíðari og alvarlegri afbrota en áður.Fjárveitingavaldið í landinu á ekki að spara fé til löggæslumála.