Umfjöllun um orsakir umferðarslysa o.fl.

Enn og aftur heyrum við tilkynnt um hin hörmulegu dauðaslys og alvarlega áverka í umferðinni.Hvað getur hinn almenni ökumaður gert?Við höfum heyrt í gegnum árin alls konar upplýsingar og forvarnaráætlanir um bætta umferðahætti frá Umferðaráði,lögreglu og tryggingarfélögum o.fl.Allar slíkar aðgerðir hafa forvarnargildi þó þær séu ekki tölulega mælanlegar vitum við samt að þær skila miklum árangri út í samfélagið.

Ég hef eins og hver annar reynt að gera mér grein fyrir ástæðum umferðaslysa,en rek mig þar á ótal óvissuþætti vegna hinna breytilegu aðstæðna sem liggja til grundvallar slysunum.Ekki veit ég hvort viðkomadi yfirvöld hafi reynt að gera heilstæðar úttektir eða markvissar  rannsóknir viðkomandi  aðila á vettvangi slysa,skýrslutökum slasaðra og niðurstöðum krufninga látinna.Ef fyrir liggja samantektir á slíkum niðurstöðum ætti að birta þær öðrum til glöggvunar og  viðvörunar.Ástand ökumanna sem slysum valda er sértækt rannsóknarefni, einnig að hvað stórum hluta gerð veganna, umferðar-og aðvörunarskilti  m.a.v/vegaframkvæmda valdi slysum, ennfremur hveru stór hluti þeirra orsakast af    frammúr - og hraðakstri.  

Við vitum að hinn háskalegi hraði,tillitsleysi,frekja,óþolinmæði og þekkingaleysi á umferðareglum eru megin orsakaþættir umferðaslysa.Spurningin er hvað veldur svona viðbröðgum ökumanna?Þar er við eigin samvisku  að eiga hjá hverjum og einum.Við erum okkar eigin herrar í umferðinni og berum þar sameiginlega ábyrgð.Getur verið að þjóðfélagsgerðin sjálf sé stór hluti af vandamálinu,sem framkalli  að hluta til framangreind viðbrögð í umferðinni,s.s. mikið vinnuálag ,tímaskortur og oft miklil   óþörf neysluhyggja.Allt þetta þarf að skoða í víðu samhengi við umferðaslysin.  

Fyrir blekkingum og klókindum íhaldsins eru Framsóknarmenn varnarlausir.

Það er þekkt að langt samstarf smáflokks við stóran og öflugan stjórmálaflokk fer yfirleitt á einn veg,sá stóri étur hægt og bítandi þann litla upp til agna.Þannig er þessu varið með samstarf Framsóknar - og Sjálfstæðisfl. í ríkisstjórn.En í borgarstjórn hefur framsókn eins og kunnugt er aðeins einn mann með 6% kjörfylgi á bak við sig.Íhaldið gæðir sér  á honum að vild á þann veg að leyfa honum að bera starfsheitið formaður borgarráðs án nokkurs valds.Hann fær þó að  úthluta bittlingum til  flokksbræða sinna  á vegum borgarinnar  og tilnefna nokkra menn í  nefndir,svo hann  geti ímyndað sér að hann hafi einhver völd.Að þurfa að horfa upp á þennan skrípaleik er erfitt þeim sem virða lýðræðislegar leikreglur.

Samstarf þessara flokka í ríkisstjórn  er með hliðstæðum hætti,þar ræður íhaldið ferðinni í öllum veigamestu málum,þeim tekst með klókindum að láta kjósendur Framsóknarfl.halda að þeir hafi eitthvað til málanna að leggja.

Loks virðast þessi sannindi vera að opna augu kjósenda Framsóknarflokksins og hefur nær helmingur af fylgi flokksins yfirgefið  hann.Fylgið virðist hvað traustast í kringum kvótaeigendur sem braska með sölu og leigu veiðiheimilda(sameign þjóðarinnar) ,bændur og auðjarfa í bönkum og fyrirtækjarekstri. Það er líka ljóst að málefnaleg fátækt á stóran þátt í þessari eyðimerkurgöngu flokksins.Eina leiðin fyrir Framsóknarfl.að lifa þessar hörmungar af er að láta af hækjuhlutverkinu við íhaldið. 

Dómsmálaráðhr.Björn Bjarnason liðsmaður Björns Inga í bittlingasukki Framsóknarfl.

Í Kastljósþætti sem Helgi Seljan stjórnaði og frægur er fyrir yfirgagn og ofstæki Hrafns Inga.Hann hélt því m.a.fram að Dagur Eggertsson hefði fengið starf hjá Háskóla Reykjavíkur fyrir að úthluta lóð til skólans í Vatnsmýrinni.Fyrir lá samt faglegt mat frá Háskólanum fyrir ráðingu Dags.Þá gat Hrafn engin svör gefið fyrir úthlutun starfa til flokksbræðra sinna,sem ekki voru auglýst hjá borginni.Svo virðist sem hann hafi staðið í umfangsmiklu bittlingasukki með samþykki borgarstjórans.

Það sem vekur þó mesta athygli mína í þessari umfjöllun er afstaða Björns Bjarnasonar,dómsmálaráðhr.á bloggsíðu sinni.Þar lýsir hann aðdáun sinni á frammistöðu Hrafns Inga í umræddum þætti og virðist leggja þar a.m.k. óbeint blessun sína á allt bitlingasukkið hjá Framsóknarfl. í borgarstjórn  og um óverðskuldaða aðdróttun á hendur Degi um  að ráðning hans sé tengd úthlutun lóðar HR í Vatnsmýrinni.Mér finnst dómsmálaráðhr.ætti að forðast afskipti af svona málum,þau sæma ekki stöðu hans né virðingu.Ég varð fyrir nokkrum vonbrigðum með afstöðu ráðhr.hélt að hann léti ekki teyma sig  svo auðveldlega niður í svona forarpytti.

Yfirgangur og frekja Björns Inga Hrafnssonar við Dag Eggertsson í Kastljósi.

Framkoma Björns Inga  í þessum þætti lýsti reiðum og óskipulögðum manni þar sem frekjan og yfirgangurinn sat í fyrirrúmi.Vissulega hafði hann slæman málstað að verja þegar ágætur stjórnandi þáttarins spurði hann skipulega og tilgreindi fjölda bittlinga á vegum borgarinnar,sem úthlutað hafði verið til ýmissa forkólfa Framsóknarfl.Í stað þess að svara málefnalega réðst hann á Dag,sem er dagsfarsprúður og  kurteis  í viðmóti. Ávítaði hann Dag fyrir fyrirgreiðslu  R-listans við flokksbræður sína.Það virtist sem hann myndi ekki eftir að Framsóknarfl.var í samstarfi í R-listanum.Slíkur var yfirgangur og frekja Björns að stjórnandi þáttarins áminnti hann að halda sig við  umræðuefnið.Dagur var í lok þáttarins orðinn svo þreyttur á ósvífnu og stöðugu málæði Björns að hann sagði honum að skammast sín,enda hafði Dagur  vart komist að skýra afstöðu sína til  umræðunnar. 

Ef Björn Ingi heldur að svona framganga í umræðum skili Framsóknarfl.atkvæðum í komandi kosingum þá er hann sannarlega á villigötum.Ef hann heldur að svona framkoma skili honum áleiðis í formannsstöðu í flokknum þá er það sannkölluð fíflhyggja.Þau völd sem Björn hefur fengið hjá íhaldinu í borgarstjörn virðast bera hann ofurliði,hann er í reynd sú hækja sem gaf íhaldinu meirihluta í borginni,hann er nýttur sem slíkur.Ég held að meirihluti Framsóknarmanna sé andvígur þessu samstarfi,enda hlýtur flokknum að vera ljóst að samstarfið við íhaldið í ríkisstjórn er að ganga að flokknum dauðum.

Skrítlur af handahófi.Látið frá ykkur heyra.

Í skammdeginu er oft gott að létta skapið og lesa skrítlur.Hér eru nokkrar sem ég hef skráð í skrítlubókina mína.

Ástin mín,hvað hefur þú þekkt margar á undan mér?Þögn,löng þögn.Ég er að bíða eftir svarinu spurði hún,já ég veit,ég er enn að telja. 

Elskarðu mig?Já elskan mín.Gætir þú dáið fyrir mig? Nei ást mín er ódauðleg.

Á legstein var grafið.Hér er eiginkona mín grafin.Loksins hefur hún öðlast hvíld og ég líka.

Á legsteininn var skráð að  Jón Sveinsson væri fæddur 1890,dáinn 1992 sem sé 102 ára. Þar stóð líka að Guð elskar þá sem deyja ungir.

Blaðamaður spurði hundrað ára skota hvað héldi lífinu í honum.Tilhugsunin um útfararkosnaðinn,svarðaði skotinn.

Eitt sinn  sem oftar var ég staddur í Fossvogskirkjugarðinum ásamt vini mínum.Hann hafði orð á því að ég hefði afar slæman hósta.Það er rétt hjá þér sagði ég,en margur myndi hér þakka fyrir að hafa hann,bætti ég við.  

Gaman væri að fá að heyra frá ykkur skrítlur,Látið frá ykkur heyra. Hafnafjarðarbrandarar eru ekki undanskildir                                                                                                                                                                                                        

Hugleiðingar um dómniðurstöður í kynferðisafbrotamálum.

Ég er einn þeirra mörgu sem hafa hugleitt hvernig dómarar ákvarða  refsingar fyrir kynferðislagabrot.Að hvað miklu leiti refsirammi hegningarlaga er lagður til grundvallar,lögreglurannsóknir,niðurstaða hæstaréttardóma og læknis- og sálfræðilegar niðurstöður rannsókna.Sjálfsagt eru allir framangreindir þættir vandlega yfirfarnir af dómurum.Eins og gefur að skilja eru þessi mál mjög viðkvæm og vandmeðfarin,ég ætla mér ekki að reyna að skilgreina það flókna samspil tilfinninga,ógnana og ótta sem þolendur verða fyrir.Hér ætla ég ekki heldur að fjalla um mál,þar sem óvissa er um saknæmi og skortur á sönnunargögnum  torveldar niðurstöður.Heldur þar sem játning afbrotamanna liggur fyrir þ.e.full lögsönnun atburðarása.

Manni virðast niðurstöður fjölda slíkra máli vera ekki í neinu samræmi við alvarleika brotanna.sem varða fyrst og síðast hinar hörmulegu afleiðinar þolenda.Þá skaða þessar dómniðurstöður stórlega trúverðugleika dómstólanna, sem bitnar á fleiri málaflokkum.Ég tel brýna nauðsyn á endurskoðun dóma í þessum  málaflokki og reyndar fleirum,það sýna líka opinber mótmæli nýverið.Hvernig væri að dómsmálaráðherra ætti frumkvæði að héraðs - og hæstaréttardómarar og lagaprófessorar háskólanna myndu koma saman og reyna að samræma betur en nú er dómniðurstöður.Ekki virðist þörf á lagabreytingum heldur framkvæmd laganna.

 

Fákeppni,auðhyggja og einokrun.

Ríkissjórnin hefur á undanförnum árum skapað grundvöll fyrir hagkerfi,þar sem taumlaus auðhyggja og græðgi undir formerkjum arðsemi er orðinn að stærstum hluta gangþráðurinn í lífsafkomu þjóðarinnar.Hvergi í Evrópu er eins mikill launamismunur og hér,hér eru líka hæstu vextirnir og dýrasta matvaran og ein mesta verðbólgan í álfunni.Gjaldmiðill okkar krónan tifar eins og tímaspengja sem enginn getur treyst.

Hér þróast ekki heldur eðlilegir viðskiptahættir,samkeppni milli hagsmunaaðila er nánast engin eins og glöggt má sjá hjá olíu - og trygginafélögum,bönkum,skipafélögum o.fl.Eignasamþjöppunin veldur fákeppni og einokrun eins og þekkt er.Minnismerki þessarar ríkisstjórnar bera glökkt vitni um vanhæfni og spillingu ,vonandi bera kjósendur þroska til að skipta um menn í brúnni í komandi alþingiskosningum. 

Að henni er nú vegið úr launsátri liðsmanna Jóns Magnússonar o.fl.

Margrét Sverrisdóttir hefur allt frá stofnun Frjálslindafl.séð um að halda starfsemi flokksins gangandi og án hennar  væri flokkurinn skipulagslaust rekald.Þetta vita allir sem hafa komið að störfum fyrir flokkinn,hún er harðdugleg,skipulögð og áreiðanleg.Hún er mjög vel heima í flestum málum og er mjög góður málsvari  þeirra sem minna meiga sín í þjóðfélaginu.Hún gengur hart gegn hvers konar óréttlæti og sýndi m.a. í verki á sínum tíma ásamt föður sínum og Guðjóni í kvótasvindlinu hvers hún er megnug.Ég er þess fullviss að allir stjórnmálaflokkar myndu vilja hafa Margréti innan sinna raða hún er sterkur persónuleiki sem kjósendur treysta.

Eftir að Jón Magnússon kom með fámenna hjörð fylgismanna sinna (Nýtt afl) til samstarfs við Frjálslindafl. virðist honum hafa tekist að  umpóla flokknum og stylla  formanninum og þingmönnum hans  gegn Margréti og láta segja henni upp sem þingflokksform.Svo mikið fát og fum var við uppsögnina að rangur aðili undirritaði bréfið.Þessi uppákoma er með ólíkindum ekki síst þegar litið er til hagstæðrar niðurstöðu skoðannakannana nýverið.Væntanlega telur Jón að Margrét standi í vegi fyrir að hann komist í vænlegt framboð fyrir Frjálslindafl.i komandi kosningum.Meðgöngutími Jóns til þingsetu er orðinn afar langur og nú virðist ekkert duga minna en "aftaka Margrétar".Jón er áður þekktur af hliðstæðum vinnubrögðum s.b.r.uppákomu hans á sínum tíma gegn formanni Neytendasamtakanna Jóhannesi Gunnarssyni.Ég treysti forustu flokksins að losa sig við þessar óværur og kjósa Margréti formann flokksins og hún taki l.sæti á lista flokksins í Reykjavík suður.Sættir verða að takast innan flokksins og nýtt afl fái greiða útgöngu úr flokknum.