Áskorun til landsmanna að versla einungis við slysavarnar -og björgunarfélög á flugeldum.

Ég hugsa um það við hver áramót af hverju Landsbjörg hefur ekki einkarétt á sölu flugelda í landinu.Þeir sem vinna sjálfboðavinnu við björgunarstörf hér á landi eru í mínum huga hetjur,sem ég veit að öll þjóðin  er stolt af.Þeir fara í hundruð útkalla á hverju ári,vettvangurinn er  allt landið með öllum þeim ólíku og hættulegu andstæðum,þar sem veðrið er oftast stærsti orsakavaldur slysa.Hversu oft heyrum við af hetjunum okkar í aftakaveðrum á leið á slysstað.Öll þjóðin fylgist með,það er eins og við séum öll þátttakendur á slíkum stundum.Ég held því fram að engin þjóð eigi betri björgunarsveitir en við Íslendingar og eru þar að sjálfsögðu meðtalin hin frábæru störf flugbjörgunarsveita.

Það er bara einokrun að leyfa slysavarnarfélögum að sitja einir að þessum viðskiptum,sagði einni af þessum fégráðugu frjálshyggjumönnum við mig þegar ég lýsti skoðun minni um einkarétt Landsbjargar.Ég sagði við hann,við vitum aldrei hvort næsta slysaútkall varðar þína eigin hagsmuni eða þinna nánustu,en við vitum að hundruð útkalla bíður þeirra á næsta ári,hversu alvarleg vitum við ekki.Ég skora á löggjafarþingið að setja lög um einleyfi á sölu flugelda til slysa - og björgunarfélaga.

Athugasemdir

[Gunnar Helgi Eysteinsson, 29.12.2006 kl. 22:09]

Ég er 100% sammála því að löggjafarþingið setji lög um einleyfi á sölu flugelda til slysa - og björgunarfélaga.

Þessir menn eru Supermenn Íslands 

[Kristján Pétursson, 30.12.2006 kl. 00:08]

Störf slysavarnarmanna eru ólaunað hjálparstörf,óháð allri samkeppni.Kosnaður við rekstur félaganna er mjög mikill.s.s.tækjabúnaður.Störf þeirra varða björgun mannslífa og eru því ábyrgðarmeiri en þeirra félaga sem þú tilgreindir.Auk þess eru íþróttafélögum sköpuð aðstaða fyrir sína starfsemi og fjármunir frá sínum byggðalögum.Þessar röksemdir þínar finnst mér léttvægar séu þær metnar út frá þjóðfélagslegum hagsmunum.Einkaleyfi sem stendur að baki jafn ríkum og veigamiklum málum er byggt á heilbrigðri skynsemi og samrýmist nútíma þjóðfélagi.

                                              29.12.2006 kl.24.oo

[Gunnar Helgi Eysteinsson, 30.12.2006 kl. 19:58]

Halló! Ég er með hugmynd...

Þegar hjálparsveitin fer í ferð til að hjálpa fólki í nauð, þá geta þeir selt miða á "sýninguna"... eða kannski svona fyrir tómstundir geta fólk borgað fyrir að prjóna peysu handa hjálparsveitarmönnum Íslands...  Afsakið, ég ætla að hætta að bulla