Kreppan dýpkar og dýpkar - vextir hækka - skrúfað fyrir fjármagn - atvinnuleysi.

Ríkisstjórnin ætlar að spara sig út úr efnahagskreppunni,auka atvinnuleysi,gjaldþrot og landflótta.Við eigum hins vegar að auka fjármagn í umferð og vega þannig upp á móti áhrifum fjármálakreppunnar.Vextir verði lækkaðir og fjármagni dælt inn í hagkerfin eftir því sem kostur er til að koma sem flestum fyrirtækjum í fullan rekstur.Bolfiskveiðar verði auknar um 80 - 100 þúsund tonn,sem ríkið leigir aðalega til smábáta útgerða víðsvegar um landið.Álverið í Helguvík verði klárað,hámarksstærð þess verði mínkuð um þriðjung frá því sem nú er ráðgert.Ekki fleiri álver,en nú berast ýmst tilboð erlendis frá um uppbyggingu á alls konar iðnfyrirtækjum,sem þurfa litla orku.Þá verði grænmetisframleiðendum og bændum boðið sama orkuverð og meðalstór útflutningsfyrirtæki fái í framtíðinni.

Það verður að koma eins fljótt og auðið er böndum á verðbólguna,lækkun okurvaxta og verðtrygginguna.Ný mynt  strax myndi virka fljótast á verðbólguna,þjóðin getur ekki beðið eftir myntbreytingu  á inngöngu í ESB,hvað sem síðar verður.Best væri ef Ísland og Noregur hefðu fulla samvinnu um undirbúning að inngöngu í bandalagið.Við eigum líka samleið með Norðmönnum um varnar - og öryggismál á N - Atlandshafi.Við eigum ekki að semja um reglubundna viðveru annara ríkja hér á landi í varnarmálum.

 

Ríkisstjórn steingeld,sem telur sig enga ábyrgð bera á kreppunni.

Stýrivextir Seðlabanka Íslands eru hærri en í öllum nágrannaríkljum Evrópu.Ástæðan er sögð vera sú að verðbólgan er mjög há (18%) og fer hækkandi,þrátt fyrir að efnahagslífið hafi umtalsvert dregist saman undanfarið hérlendis eins og í nágrannaríkjum og víðar.Framboð lána er sáralítið,svo fólk og fyrirtæki eru ekki að taka lán sem neinu nemur.

Hvað  þarf eiginlega að gerast hér í efnahagsmálum  til að stýrivextir lækki ?Væntanlega að skipta um mynt,lækka okurvexti og verðbólgu.Verðtryggingin er að eyðileggja allt efnahagslegt gangverk þjóðarinnar.Stjórnvöld hafa vitað lengi hvað veldur þessum efnahagsvanda ,en hafa látið nægja að snúast í kringum frjáls - og auðhyggjuna,þar til græðgin náði endanlega undirtökunum og allt efnahagskerfið sprakk.Hvað tekur við,höfum við lært nóg af mistökunum til að endurtaka þau ekki?Meðan enginn ráðherra  né ríkisstjórnin í heild telur sig bera ábyrgð á hinni innlendu kreppu,þá er ekki að vænta efnahagslega umbóta og breytinga á sviði stjórsýslunnar.Ríkisstjórnin er í reynd steingeld með " kreppulækningar " ,sem að engu gagni koma.

 Það er augljóst að gera þarf veigamiklar breytingar á öllu  lýðræðisskipulagi þjóðfélagsins.Þar á ég við veigamiklar breytingar á sjálfri Stjórnarskránnni  m.a.er viðkemur, sameignum þjóðarinnar. Þá verði ráherraskipun breytt þannig,að þeir gegni ekki samtímis störfum þingmanna.Við verðum að aðskilja að fullu löggjafar - og framkvæmdavaldið .Eins eru ýmis skonar innskot og valdsheimildir dómsvaldsins gagnvart framkvæmdavaldinu afar slæmar.

 

Birtar verði strax niðurstöður úr rannsóknarskýrslum FME v/bankahrunsins.

Forsætisráðhr.sagði að öllum steinum yrði velt og niðurstöður frá endurskoðunarfyrirtækjum á aðdraganda bankahrunsins birtar.Enginn úrdráttur hefur berið birtur ennþá og allir steinar á sínum stað.Þjóðin hefur verið svikin um gagnsæi rannsóknarinnar og niðurstöður.

Svona viðbrögð forsætis - og viðskiptaráðhr.kalla á harðari mótmælaaðgerðir almennings,sem gætu leitt til ákveðinna tegunda uppreisnar,sem lögreglan er ekki fær um að stöðva.Bara" innvígðir " íhaldsleppar fá að vita hvað hefur skeð og hvað er í farvatninu.Almenningi sem er ætlað að borga brúsann fær ekkert að vita hvað honum verður gert að greiða.

Þjóðin gerir kröfu um að allur meintur þjófnaður og fjársvikamál verði opinberaður og auðmenn Íslands greiði strax skuldir sínar til þjóðarinnar.Ekkert verði undan dregið.Þá þarf einnig að upplýsa sannleiksgildi sagna um svonefnd " mútulán "banka til ýmissa stjórnmála - og fjársýslumanna á vildar lánakjörum.

Öll innlend og erlend íbúðarlán verða færð í íbúðarlánasjóð - verðtrygging verði afnumin.

Erlendu myntkörfulánin verður breytt í venjuleg íslensk verðtryggð lán og verða yfirtekin á svipuðu gengi og þau voru tekin i upphafi.Það eru góð tíðindi að færa öll lánin í Íbúðalánasjóð og allir sitji við sama borð varðandi vexti.Hins vegar ætti frá sama tíma að taka verðtrygginguna af lánunum a.m.k.tímabundið þar til verðbólgan verður komin niður í 2,5 %.

Stéttarfélögin sem vilja viðhalda verðtryggingunni til að efla lífeyrissjóðina verða að forða lántakendum íbúðarlána frá gjaldþrotum með aðstoð ríkissjóðs.Við verðum öll að leggjast á eitt,að berjast gegn atvinnuleysi og landflótta.Undanfarnar ríkisstjórnir hafa nánast ekkert sinnt þessum málum,sem eru þó undirstaða lífsafkomu þorra heimila í landinu.

Vandræðagangur og úrræðaleysi ríkisstjórna hefur verið eins og  illkynjað mein,sem engin hefur viljað lækna.Það er auðveldara að vera kjáni en vitmaður og réttlæta þannig stöðugt afglapaverkin.Þannig er þetta samt með langflestsa íslenska stjórnmálamenn, framkvæmdaleysi og sljóleiki heltekur menn á þingi.Þetta er ljót lýsing á löggjafarþinginu,en þannig stendur hún í mínum huga meðan allir veigamestu stjórnsýsluhættir þjóðarinnar eru  lamaðir í einhverju pólutísku Dauðahafi.

Kosið verði um aðildarviðræður við ESB , samhliða alþingiskosninum í vor.

Ingibjörg Sólrún Gísladóttir vill að kosið verði til alþingis samfara þjóðaratkvæðagreiðslu um aðildarviðræður við ESB.Hins vegar eru engin lög eða reglur til hérlendis um þjóðaratkvæðagreiðslu og framkvæmd hennar og ekki heldur í Stjórnarskránni.Það er merkilegt að alþingi skuli ekki hafa fyrir löngu síðan sett lög um slíka atkvæðagreiðslu sem væri bindandi.

Rétt væri að sett yrðu ákvæði í lögin um  ákveðinn heildarfjölda kjósenda , yrði að ná t.d.80% kjörsókn og þá þyrftu 40% að samþykkja,svo tillagan yrði samþykkt.

Íslendingar verða að fá sem allra fyrst niðurstöður af samningsviðræðum við ESB,hefðum reyndar átt að vera búnir að því fyrir löngu síðan.Á eignarrétti okkar á sameignum þjóðarinnar við ESB má aldrei hvika og reyndar á lögformlega að koma þeim öllum undir Stjórnarskrá lýðveldisins.

Til þess að upplýstar niðurstöður náist í þessum viðræðum fyrir alþingiskosningar í vor,þarf strax að undirbúa þær,svo kjósendur séu sem best upplýstir um niðurstöður aðildarviðræðanna við ESB.Þá þurfa einnig fyrir þann tíma að liggja fyrir ákveðnar tillögur um myntbreytingu.

Reiðin og óttinn magnast - Vænta má alvarlegra átaka innan tíðar.

Það blikar í hörð átök í þjóðfélaginu vegna langvarandi mótlæti og stjórnleysi ríkisstjórnarinnar.Fylgifiskar fátæktar og skorts skapar mikla andúð og reiði og fólk getur hæglega misst tímabundið vald á dómgreind sinni.Ef mönnum veitist erfitt að hemja reiði sína vegna úrræðisleysis og heimsku stjórnvalda,þá er skynsamlegt að varast sérhvert tilefni,er getur valdið skapofsa og hömlulausa bræði.Þetta ætti ríkisstjórnin og viðkomandi stjórnvöld að hugleiða vel vegna stigvaxandi spennu í þjóðfélaginu,sem m.a.kemur fram í átökum við lögreglu og skemmdarverka.

Það getur reynst afar erfitt hlutskipti að veita ríkisstjórninni og fjármálavaldinu fyrirgefningu,sem hafa  endurtekið mjög alvarlegar misgjörðir á hlut saklausra borgara með okurlánum,óðaverðbólgu,verðtryggingu,mútum og þjófnaði,auk verðlausrar myntar.Það þýðir ekkert fyrir ríkisstjórnina að fela sig bak við Seðlabankann og Fjármálaeftirlitið,þeir bera þar fulla ábyrgð.Það er afar slæmt ef þjóðin þarf lengi að bera hefndarhug í brjósti vegna aðgerðarleysis og aumingjaháttar stjórnvalda,það geta orðið djúp sár sem erfitt reynist að græða.

Þegar þjóðin sér,að ríkisstjórnin ætlar enga ábyrgð að bera á misgjörðum sínum og engin marktæk rannsókn verður gerð á bönkunum,enda löngu búið að forfæra og breyta gögnum af fyrrverandi eigendum bankanna og koma undan fjármunum .Steinarnir sem Geir sagði að yrði öllum velt við,verða allir á sínum stað,Davíð hefur þetta lið allt í hendi sér.

 

Gleðilegt ár - Tilvísun í Rósarkrossregluna á Íslandi

Af angistinni fæðist lánleysið,en sá sem viðheldur voninni hjálpar sjálfum sér.Svo sem flýjandi strútfugl stingur hausnum í sandinn,en gleymir búk sínum,þannig gjörir óttinn hinn skelfda berskjaldaðann fyrir hættunni.

Óskhyggjan hlekkir hug hins heimska,en vitur maður eltir ekki mýrarljós óraunsæisins.

Lát dómgreindina vera lífsförunaut þinn og ger þér eigi vonir umfram skynsamlegar líkur,þá mun góður árangur fylgja viðleitni þinni,og beiskja vonbrigðanna mun eigi valda þér hjartasviða.

Lát samt ekki vonina tæla þig né óttann hræða þig frá því að gjöra rétt,þá munt þú ávallt viðbúinn að mæta óvæntum atvikum með hugarró.( tilvísun lýkur )

Þetta eru góðar skilgreiningar um ástríðurnar,sem við verðum stöðugt að meta hverju sinni.Nú fara í hönd hjá þjóðinni tímar,þar sem þolinmæði og hófsemi verða að sitja í fyrirrúmi.Þó reiðin rísi hátt verðum við að hemja hana,en láta hana samt veita virkan þrýsting gegn ranglátum aðgerðum stjórnvalda.