Kosið verði um aðildarviðræður við ESB , samhliða alþingiskosninum í vor.

Ingibjörg Sólrún Gísladóttir vill að kosið verði til alþingis samfara þjóðaratkvæðagreiðslu um aðildarviðræður við ESB.Hins vegar eru engin lög eða reglur til hérlendis um þjóðaratkvæðagreiðslu og framkvæmd hennar og ekki heldur í Stjórnarskránni.Það er merkilegt að alþingi skuli ekki hafa fyrir löngu síðan sett lög um slíka atkvæðagreiðslu sem væri bindandi.

Rétt væri að sett yrðu ákvæði í lögin um  ákveðinn heildarfjölda kjósenda , yrði að ná t.d.80% kjörsókn og þá þyrftu 40% að samþykkja,svo tillagan yrði samþykkt.

Íslendingar verða að fá sem allra fyrst niðurstöður af samningsviðræðum við ESB,hefðum reyndar átt að vera búnir að því fyrir löngu síðan.Á eignarrétti okkar á sameignum þjóðarinnar við ESB má aldrei hvika og reyndar á lögformlega að koma þeim öllum undir Stjórnarskrá lýðveldisins.

Til þess að upplýstar niðurstöður náist í þessum viðræðum fyrir alþingiskosningar í vor,þarf strax að undirbúa þær,svo kjósendur séu sem best upplýstir um niðurstöður aðildarviðræðanna við ESB.Þá þurfa einnig fyrir þann tíma að liggja fyrir ákveðnar tillögur um myntbreytingu.

Reiðin og óttinn magnast - Vænta má alvarlegra átaka innan tíðar.

Það blikar í hörð átök í þjóðfélaginu vegna langvarandi mótlæti og stjórnleysi ríkisstjórnarinnar.Fylgifiskar fátæktar og skorts skapar mikla andúð og reiði og fólk getur hæglega misst tímabundið vald á dómgreind sinni.Ef mönnum veitist erfitt að hemja reiði sína vegna úrræðisleysis og heimsku stjórnvalda,þá er skynsamlegt að varast sérhvert tilefni,er getur valdið skapofsa og hömlulausa bræði.Þetta ætti ríkisstjórnin og viðkomandi stjórnvöld að hugleiða vel vegna stigvaxandi spennu í þjóðfélaginu,sem m.a.kemur fram í átökum við lögreglu og skemmdarverka.

Það getur reynst afar erfitt hlutskipti að veita ríkisstjórninni og fjármálavaldinu fyrirgefningu,sem hafa  endurtekið mjög alvarlegar misgjörðir á hlut saklausra borgara með okurlánum,óðaverðbólgu,verðtryggingu,mútum og þjófnaði,auk verðlausrar myntar.Það þýðir ekkert fyrir ríkisstjórnina að fela sig bak við Seðlabankann og Fjármálaeftirlitið,þeir bera þar fulla ábyrgð.Það er afar slæmt ef þjóðin þarf lengi að bera hefndarhug í brjósti vegna aðgerðarleysis og aumingjaháttar stjórnvalda,það geta orðið djúp sár sem erfitt reynist að græða.

Þegar þjóðin sér,að ríkisstjórnin ætlar enga ábyrgð að bera á misgjörðum sínum og engin marktæk rannsókn verður gerð á bönkunum,enda löngu búið að forfæra og breyta gögnum af fyrrverandi eigendum bankanna og koma undan fjármunum .Steinarnir sem Geir sagði að yrði öllum velt við,verða allir á sínum stað,Davíð hefur þetta lið allt í hendi sér.

 

Gleðilegt ár - Tilvísun í Rósarkrossregluna á Íslandi

Af angistinni fæðist lánleysið,en sá sem viðheldur voninni hjálpar sjálfum sér.Svo sem flýjandi strútfugl stingur hausnum í sandinn,en gleymir búk sínum,þannig gjörir óttinn hinn skelfda berskjaldaðann fyrir hættunni.

Óskhyggjan hlekkir hug hins heimska,en vitur maður eltir ekki mýrarljós óraunsæisins.

Lát dómgreindina vera lífsförunaut þinn og ger þér eigi vonir umfram skynsamlegar líkur,þá mun góður árangur fylgja viðleitni þinni,og beiskja vonbrigðanna mun eigi valda þér hjartasviða.

Lát samt ekki vonina tæla þig né óttann hræða þig frá því að gjöra rétt,þá munt þú ávallt viðbúinn að mæta óvæntum atvikum með hugarró.( tilvísun lýkur )

Þetta eru góðar skilgreiningar um ástríðurnar,sem við verðum stöðugt að meta hverju sinni.Nú fara í hönd hjá þjóðinni tímar,þar sem þolinmæði og hófsemi verða að sitja í fyrirrúmi.Þó reiðin rísi hátt verðum við að hemja hana,en láta hana samt veita virkan þrýsting gegn ranglátum aðgerðum stjórnvalda.

Gætu ekki tapað - Er um 100 miljarða umboðssvik eða fjárdrátt að ræða ?

Um er að ræða nokkra samninga upp á 100 miljarða ,sem gerðir voru við eigendahóp Kaupþings og félög á þeirra vegum.Samningarnir voru þess eðlis,að viðkomandi einstaklingar hafi ekki getað tapað á þeim.

Efnahagsdeild  Ríkislögreglustjóra hefur haft málið til skoðunar frá miðjum desember þegar þeim barst nafnlaus ábending um athæfið.Málinu hefur nú tímabundið verið afhent FME til athugunar til að kanna hvort rökstuddur grunur sé fyrir refsiverða háttsemi.Ég hélt nú reyndar að Efnahagsdeild Ríkislögreglustj.væri dómbær um,hvort hér væri um að ræða meint refsilagabrot.Ekki hefur komið fram að svonefnd skilanefnd Kaupþings hafi haft þetta mál til skoðunar.Furðuleg niðurstaða ef satt reynist.Skýrsla frá Price Waterhouse  Coopers um yfirlit bankans verður skilað inn 31.desember n.k.

Hef mikla andúð á ísl.stjórnsýslu.Fíflhyggjan allsráðandi.

Alltaf verða á vegi mínum fleiri og fleiri,sem eru að missa íbúðir sínar vegna verðtrygginga og okurvaxta.Hvernig má það vera  að ríkisstjórnin standi aðgerðarlaus mánuðum saman meðan höfuðstóll meðalhárra íbúðarlána hækkar  um 180 - 200 þúsund kr.á mánuði.Það er afar sárt að sjá sparifé unga fólksins loga upp í þessu verðtryggingabáli á 1 - 2 árum.

Er nokkuð veigameira til í þessu landi en að hjálpa heimilum unga fólksins,slá skjaldborg um framtíð þess  og eyða óvissu, ótta  og sorg.Það er ótrúlegt miskunarleysi samfara þekkingarskorti,sem  einkennir mat stjórnvalda á fyrirgreiðslu forgangsmála.Þar er unga fólkið augljóst dæmi um.

Það er augljós tímabundin lausn í þessum málum,að afnema verðtryggingu lána strax, þar til verðbólgan verður komin í 2 - 4 %.Það verður líka strax að skipta krónunni út,íhaldið á þar stærsta sök á  með Davíð í brúnni Seðlabankans og hinn úrræðalausa forsætisráðhr.,sem gegnir honum í einu og öllu.

Mikill fólksflótti úr landi er hafin og mun aukast stórlega eftir áramót.Þar er unga fólkið  að langstærstum hluta.Hin hömlulausa peningagræðgi og stjórnleysi hefur dregið þjóðina niður í svaðið.Undanfarnar ríkisstjórnir hafa dyggilega stutt við þessa þróun.

Ég hef fengið óskapa andstyggð á íslenskum stjórnmálum þetta er eins og heimsk trúfífl,sem baktryggja sig hver hjá öðrum.Græðgin tortímir sjálfri sér,en verst er að þjóðin fylgir með í fallinu. 

Krónan lækkar um 17% gagnvart evru á hálfum mánuði.

Enn bíður þjóðin eftir nýjum gjaldmiðli,sem hefur að stærstum hluta skapað l8% verðbólgu.Engin heilvita maður skilur lengur aðgerðarleysi ríkisstjórnarinnar í efnahagsmálum.Engin viðspyrna gegn óðaverðbólgu og okurvöxtum og skuldir heimilanna vaxa um hundruði miljarða á ári.Það er líka komið í ljós,að ríkisstjórnin fékk fjölda aðvarana um stöðu ísl.bankanna  erlendis frá löngu áður en heimskreppan skalla á.Ríkisstjórnin svaf á verðinum meðan bankarnir uxu þeim marfalt yfir höfuð í skjóli ríkisábyrgðar á erlendum mörkuðum.

Meðan tugþúsundir heimila falla ofan í skuldagjána fara þingmenn í mánaðarfrí.Þeir ættu við þessar aðstæður að vera að vinna við neyðaráætlanir,heimila,fyrirtækja og uppbyggingu fjármálafyrirtækja. Um fimm Þúsundir heimila miklu fleiri en áður leita nú  til hjálparstofnana.Það er þung spor,þó svo Davið Oddsson hafi á sínum tíma orðað það svo: "hver vill ekki fá frían mat ef hann á þess kost".Fíflhyggjan kemur fram með ýmsum hætti,en fáir upplifa hana að eins og  Davíð.

 

 

Bestu óskir um friðsæla jólahátíð og farsæld á komandi ári.

Ég er þakklátur öllum sem hafa haft viðkomu á síðunni minni og ekki síður  þeim, sem hafa miðlað okkur á blogsíðum  margs konar fréttum og fróðleik.Nú fara tímar í hönd,sem þörf er á að fjalla  um menn og málefni af skynsemi og yfirvegun,en jafnframt á gagnrýnin hátt.

Lifið heil

Enn eru að koma í ljós aðgerðaleysi og mistök Geirs varðandi Icesave bankans.

Forsætisráðhr.,embættismönnum og ráðgjöfum hans var ekki kunnugt um tilboð breska fjármálaráðuneytisins um að 200 mil.punda hefðu dugað til að færa Icesave reikningana yfir í breska lögsögu,skömmu áður en ísl.ríkið  yfirtók Landsbankann.

Forsætisráðhr.hefur viðurkennt þessa mögnuðu yfirsjón.Ætti hann ekki sjálfur að stíga fyrstur út úr ríkisstjórninni og leiða Davíð sér við hlið ? Viðskipta - og fjármálaráðhr.hafa líka unnið sér inn fararleyfi.Það er alltaf eitthvað nýtt að koma fram þó ekki sé formleg rannsókn hafin hjá hjá settum ríkissaksóknara.

Ólafur forseti og Dorrit til fyrirmyndar - tóku vel á móti mótmælendum.

10 ungmenni komu til Bessastaða í erindum mótmælenda.Þar  hittu þau að máli forsetann og Dorrit,sem buðu þeim upp á kaffi og velgjörning.Fór vel á með þeim og dvöldu þeir þar í 45 mínútur,en fóru síðan með spekt og þökkuðu fyrir sig.

Þessi framkoma forsetahjónanna er til mikillar fyrirmyndar og sýnir gott fordæmi.Víst má telja,að ungmennin hafi fengið svör við ýmsum upplýsingum,sem þeim lá á hjarta,eins hafi forsetahjónin orðið vísari um þeirra sjónarmið á þjóðfélaginu.

Svona heimsókn hefur mikið gildi fyrir sjónarmið beggja aðila.Með rósemd, yfirvegun og háttvísi næst árangur,það skiptir öllu máli.

Óskapa andstyggð hef ég á íslenskum stjórnmálum.

Alltaf verða á vegi mínum fleiri og fleiri,sem eru að missa íbúðir sínar vegna verðtrygginga og okurvaxta.Hvernig má það vera  að ríkisstjórnin standi aðgerðarlaus mánuðum saman meðan höfuðstóll meðalhárra íbúðarlána hækkar  um 180 - 200 þúsund kr.á mánuði.Það er afar sárt að sjá sparifé unga fólksins loga upp í þessu verðtryggingabáli á 1 - 2 árum.

Er nokkuð veigameira til í þessu landi en að hjálpa heimilum unga fólksins,slá skjaldborg um framtíð þess  og eyða óvissu, ótta  og sorg.Það er ótrúlegt miskunarleysi samfara þekkingarskorti,sem  einkennir mat stjórnvalda á fyrirgreiðslu forgangsmála.Þar er unga fólkið augljóst dæmi um.

Það er augljós tímabundin lausn í þessum málum,að afnema verðtryggingu lána strax, þar til verðbólgan verður komin í 2 - 4 %.Það verður líka strax að skipta krónunni út,íhaldið á þar stærsta sök á  með Davíð í brúnni Seðlabankans og hinn úrræðalausa forsætisráðhr.,sem gegnir honum í einu og öllu.

Mikill fólksflótti úr landi er hafin og mun aukast stórlega eftir áramót.Þar er unga fólkið  að langstærstum hluta.Hin hömlulausa peningagræðgi og stjórnleysi hefur dregið þjóðina niður í svaðið.Undanfarnar ríkisstjórnir hafa dyggilega stutt við þessa þróun.

Ég hef fengið óskapa andstyggð á íslenskum stjórnmálum þetta er eins og heimsk trúfífl,sem baktryggja sig hver hjá öðrum.Græðgin tortímir sjálfri sér,en verst er að þjóðin fylgir með í fallinu.